ارالدىڭ قۇم دالاسى جاسىل-جەلەككە اينالۋى مۇمكىن

بۇل ىسكە قىتايلىق عالىمداردىڭ كوگالداندىرۋعا ارنالعان ونەرتابىسى كومەكتەسپەك.

جاڭا تەحنولوگيا الەمنىڭ ەكى جەرىندە سىناقتان ءساتتى ءوتىپ، ءتيىمدىلى دالەلدەنگەن، دەپ حابارلايدى aqshamnews.kz 24.kz-كە سىلتەمە جاساپ. 

كەلەسى كەزەك – قىزىلوردا وبلىسىنىڭ اۋماعىندا.  ۇلتتىق بيوتەحنولوگيا ورتالىعىندا سالا جەتەكشىلەرى مەن جۇڭگو مەملەكەتىنىڭ قازاقستانداعى ەلشىسى كەزدەسىپ، ماسەلەنى جان-جاقتى تالقىلادى.

پيلوتتىق جوبا كەلەر جىلى كوكتەمدە باستالادى. سونداي-اق ەكى تاراپ جاڭادان اشىلعان گەنەتيكالىق زەرتحانانىڭ جۇمىسىمەن تانىستى. مۇندا دا قوس ەل عالىمدارىنىڭ مەديسينا سالاسىنداعى جەتىستىكتەرى تەرەڭ زەرتتەلىپ، ءتۇرلى اۋرۋلاردى دياگنوستيكالاۋدىڭ يننوۆاسيالىق ادىستەرى ازىرلەنەدى. 

عابيدوللا وسپانقۇلوۆ، ق ر سىرتقى ىستەر مينيسترلىگى ينۆەستيسيا كوميتەتىنىڭ ءتوراعاسى:

- وتكەن جولى قىزىلورداعا بارىپ، جاڭاعى پيلوتتتىق جۇزەگە اساتىن جەردىڭ پوچۆاسىن الدى. ولار ايتىپ وتىر، بۇعان دەيىنگى جەردەن وزگەشەلىك بار دەپ. ارينە، ءار جەردىڭ وزگەشەلىگى بولادى عوي. سوعان بايلانىستى رەاگەنتتى تاڭدايمىز دەدى. سوعان سايكەس كەلەتىن. كەلەسى جىلدىڭ ەرتە كوكتەمىنەن باستاپ كەتەمىز جۇمىستى. سونىڭ ناتيجەسىندە ىلعالدى ساقتاۋ، ميكروورگانيزم پايدا بولۋى، ءشوپتىڭ ءوسۋى ءبىراز ۋاقىت الادى. 1-2 جىلدا ءبىر ناتيجە كورىنەدى.

 چجان سياو، قىتايدىڭ قازاقستانداعى ەلشىسى:

- سالاداعى سەرىكتەستىك نىعايا بەرەدى. الداعى ۋاقىتقا جوسپارىمىز كوپ. سونىڭ ءبىرى – ماماندار دايارلاۋ. جاس عالىمدار مەن قىزمەتكەرلەر قىتايعا كەلىپ، بىلىكتىلگىن ارتتىرا الادى. ناقتى ۋاعدالاستىق بار، ولار ءبىزدىڭ ەلدەن تاعىلىمدامادان وتەدى.