بيىل قازاقستاننىڭ بۇكىل وڭىرلەرىندە اۋسىلعا قارسى ەكپە جۇمىستارى جۇرگىزىلەدى

ول ءۇشىن رەسپۋبليكالىق بيۋدجەتتەن 3،5 ملرد تەڭگە قاراستىرىلعان.

بۇل جايىندا ۆەتەريناريالىق باقىلاۋ جانە قاداعالاۋ كوميتەتىنىڭ ءتوراعاسى اسقار جاقىپبايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ۆاكسينالاۋعا بىلتىر كونكۋرس وتكىزگەنبىز. 1 ملرد 600 ملن تەڭگە ۇنەمدەلگەن. وسى اقشاعا اۋسىلعا قارسى ەكپە الىندى. رەسەي فەدەراسياسىنىڭ ۆلاديمير قالاسىندا وندىرىلگەن ۆاكسينانى ساتىپ العانبىز. حالىقارالىق بيۋروعا مالىمەتتەر بەرىلدى. ءقازىر سول جاقتان كوميسسيا توسىپ وتىرمىز. ناۋرىز، ءساۋىر ايلارىندا كەلەدى. مامىردا وتەتىن 90-سەسسياسىندا «قازاقستان اۋسىلدان تازا، ۆاكسينا قولدانۋ كەرەك» دەگەن شەشىم قابىلدانادى»، - دەدى ول.

كوميتەت باسشىسى اۋسىلعا قارسى ەكپەنىڭ شىعىنى رەسپۋبليكالىق بيۋدجەتتەن بولىنگەندىكتەن، قاراپايىم مال يەلەرى ءۇشىن بۇل تەگىن بولاتىنىن ەسكەرتتى.

«بيىل بۇكىل رەسپۋبليكا بويىنشا ۆاكسينا ەگىلەدى. سول ءۇشىن ۆاسينا ساتىپ الۋ تۋرالى كونكۋرس جاريالادىق. وعان 3،5 ملرد تەڭگە قاراستىرىلعان.

حالىقالىق ەپيزوتيكالىق بيۋرونىڭ اسا ءقاۋىپتى اۋرۋلار تىزبەسىندە 88 اۋرۋ ەنگەن. ونىڭ 45ء-ى بەلگىلى ءبىر كەزدەرى قازاقستان اۋماعىندا تىركەلگەن. ءبىراق سونىڭ تەك 23-ىنە عانا رەسپۋبليكالىق بيۋدجەتتەن ۆاكسينا ساتىپ الامىز. اۋسىل سونىڭ ىشىندە. مەملەكەت ءوزى ساتىپ الاتىن ۆاكسينالار حالىق ءۇشىن تەگىن. مۇنى حالىق تا، شارۋا قوجالىقتارى جاقسى بىلەدى»، - دەدى اسقار جاقىپبايەۆ.