2023 جىلى قازاقستانعا 11 جاڭا ۇشاق ساتىپ الىنادى.
بۇل تۋرالى ق ر يندۋستريا جانە ينفراقۇرىلىمدىق دامۋ ۆيسە-مينيسترى الماز ىدىرىسوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اۋە رەيستەرى سانىن كوبەيتۋ ءۇشىن كومپانيالارمەن بىرلەسىپ ۇشاقتار پاركىن تولىقتىرۋ جوسپارى قابىلداندى. بىلتىر 14 ساتىپ الىنسا، بيىل 11 ۇشاق جەتكىزىلەدى. جالپى، 2025 جىلدىڭ سوڭىنا دەيىن پاركە تاعى دا 42 ۇشاق قوسىلادى. وسى ورايدا ۇشاقتاردىڭ سانى 132-گە جەتەدى»، - دەدى ا. ىدىرىسوۆ سەناتتا ەلىمىزدەگى اۋە كولىگى ماسەلەلەرىنە قاتىستى جيىن بارىسىندا.
ونىڭ پايىمىنشا، اۋە كولىگىنىڭ سانى كوبەيگەن جاعدايدا تۇراقتى رەيستەر ارتىپ، بيلەت ارزاندايتىن بولادى.
قازىرگى كەزدە اۋە كولىگى سالاسىندا 6 قازاقستاندىق تاسىمالداۋشى 56 ىشكى باعدار بويىنشا اپتاسىنا 706 رەيستى ورىنداپ كەلەدى.