ويتكەنى، كوشكىن ءجۇرۋ ءقاۋپى بار.
توتەنشە جاعدايلار دەپارتامەنتى مالىمەتىنشە، الماتى تاۋلارىندا بلوكبەكەتتەر ورناتىلدى، دەپ حابارلايدى Almaty-akshamy.kz
"تجد كوشكىن ءقاۋپى تۋرالى № 13 ەسكەرتۋ نەگىزىندە: 2023 جىلعى 5-7 ءساۋىر ارالىعىندا ۇلكەن جانە كىشى الماتى وزەندەرى باسسەينىندە قار كوشكىنى ءقاۋپى ساقتالادى. وسىعان بايلانىستى قار كوشكىنىن تۋدىرماس ءۇشىن قار باسقان بەتكەيلەرگە شىعۋ ۇسىنىلمايدى، تاۋعا بارۋدان باس تارتقان دۇرىس"، - دەلىنگەن حابارلامادا.
وسىعان بايلانىستى ايۋساي شاتقالىنداعى سارقىراماعا ادامداردىڭ وتۋىنە جول بەرمەۋ ءۇشىن بوستاندىق اۋدانى پب قىزمەتكەرلەرى اراسىنان ايۋساي بوگەتى الدىنا پوست ورناتىلدى.
سونداي-اق، بلوكبەكەت شىمبۇلاق ماڭىنداعى قار كوشكىنى ءقاۋپى بار ايماققا ورناتىلعان.