الماتى ءپد-تى بيىل 29 الماتىلىقتىڭ اتا-انا قۇقىعىنان ايىرىلعانىن مالىمدەدى دەپ حابارلايدى almaty-akshamy.kz
كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋدىڭ نەگىزگى تەتىكتەرىنىڭ ءبىرى – قالا جانە اۋدان اكىمدىكتەرى جانىنداعى كامەلەتكە تولماعاندار ىستەرى مەن ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيالارمەن ءوزارا ءىس-قيمىل جاساۋ.
جىل باسىنان بەرى كوميسسيالاردىڭ وتىرىستارىندا كامەلەتكە تولماعانداردىڭ مۇددەسىنە قاتىستى ءتۇرلى فاكتىلەر بويىنشا 297 ماتەريال قارالدى. ناتيجەسىندە، 29 الماتىلىققا اتا-انا قۇقىعىنان ايىرۋ تۇرىندەگى شەكتەن تىس شارا قولدانىلدى، 2 255 اتا-انا بالا تاربيەلەۋ جونىندەگى مىندەتتەردى تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى. 12 ءجاسوسپىرىم ديەۆيانتتى مىنەز-قۇلىقتاعى بالالارعا ارنالعان ارنايى ءبىلىم بەرۋ ۇيىمىنا، ءبىر كامەلەتكە تولماعان ءجاسوسپىرىم ەرەكشە رەجيمدەگى ارنايى ءبىلىم بەرۋ ۇيىمىنا جىبەرىلدى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.