2024 جىلى قازاقستانداعى ازاماتتاردىڭ بانكتەر الدىنداعى قارىزى 22،2%-عا ءوسىپ، جالپى كولەمى 34،9 تريلليون تەڭگەنى قۇرادى. بۇل كورسەتكىش قارجى جۇيەسىندەگى ايتارلىقتاي وزگەرىستەر مەن تۇراقسىزدىقتى كورسەتەدى، سول سەبەپتى ەكونوميستەر مەن قارجىگەرلەر وسى ماسەلەنى شەشۋ ءۇشىن جاڭا شارالاردى قولعا الۋعا قاجەتتىلىك تۋىنداعانىن اتاپ ءوتتى، دەپ حابارلايدى aqshamnews.kz
قازاقستاننىڭ قارجى نارىعىنداعى تۇراقتىلىقتى قامتاماسىز ەتۋ جانە ازاماتتاردىڭ قارىز جۇكتەمەسىن ازايتۋ ماقساتىندا، 2025 جىلدىڭ 1 قاڭتارىنان باستاپ ءبىرقاتار جاڭا ەرەجەلەر ەنگىزىلەدى. بۇل ەرەجەلەردىڭ باستى ماقساتى — قارىز الۋشىلاردىڭ جاۋاپكەرشىلىگىن ارتتىرىپ، بانكتەر مەن قارجى ۇيىمدارىنىڭ قارىزداردى بەرۋ شارتتارىن قايتا قاراۋ.
بيومەتريالىق سايكەستەندىرۋ جانە ەسق ونلاين ميكروقارىزداردى راسىمدەۋ كەزىندە بيومەتريالىق سايكەستەندىرۋ مەن ەلەكتروندىق سيفرلىق قولتاڭبانى (ەسق) ءبىر مەزگىلدە پايدالانۋ مىندەتتەلەدى.
جۇبايدىڭ كەلىسىمى بانكتەر مەن ميكروقارجى ۇيىمدارىنا جەكە تۇلعالارعا جۇبايىنىڭ كەلىسىمىنسىز نەسيە بەرۋىنە تىيىم سالىنادى.
سىياقى ەسەپتەۋگە شەكتەۋ قارىز مەرزىمى 90 كۇننەن اسقاندا بارلىق تۇتىنۋشىلىق كرەديتتەرگە سىياقى ەسەپتەۋگە تىيىم ەنگىزىلەدى.
اسكەري قىزمەتكەرلەر ءۇشىن قولداۋ اسكەري قىزمەت كەزىندە جانە قىزمەتتەن كەيىنگى 2 اي ىشىندە نەسيەلەر بويىنشا سىياقى ەسەپتەۋگە تىيىم سالىنىپ، مەرزىمدى كەيىنگە قالدىرۋ ۇسىنىلادى.
الەۋمەتتىك قورعاۋ جالعىز باسپاناسى بار وتباسىلاردى، سونداي-اق مۇگەدەكتىگى بار ادامداردى جىلىتۋ ماۋسىمىندا ۇيىنەن شىعارۋ تىيىم سالىنادى. قارىز الۋشى شوتىنداعى 2 ەڭ تومەنگى كۇنكورىس دەڭگەيىنەن اسپايتىن قاراجاتتى ءوندىرىپ الۋعا تىيىم ەنگىزىلەدى.
ومبۋدسمەندەردىڭ وكىلەتتىكتەرى بانك ومبۋدسمەنىنىڭ داۋلاردى شەشۋدەگى ءرولى كۇشەيتىلەدى، ميكروقارجى ومبۋدسمەن ينستيتۋتى ەنگىزىلەدى.
داۋلاردى تورەلىك سوتقا جىبەرۋگە شەكتەۋ بانكتەر، مقۇ جانە كوللەكتورلار اراسىنداعى داۋلاردى تورەلىك سوت ارقىلى قاراۋعا تىيىم سالىنادى.
قاراستىرىلىپ جاتقان جاڭا باستامالار:
قارىز الۋشىلاردىڭ وتىنىشتەرىن قاراۋ مەرزىمى – 15 كۇننەن اسپاۋى ءتيىس.
بانكتەر مەن مقۇ كەيبىر نەگىزدەر بويىنشا قارىزداردى 3 ايعا كەيىنگە قالدىرۋعا مىندەتتەلۋى مۇمكىن.
مۇگەدەكتىگى بار ادامدارعا قىزمەت كورسەتۋ پروسەدۋرالارىن جەڭىلدەتۋ جوسپارلانۋدا.
قارجى ونىمدەرىنىڭ ستاندارتتارىن بەلگىلەۋ قۇقىعى اگەنتتىككە بەرىلەدى.