37 056 ەر ازامات شاقىرىلادى.
ق ر ۇكىمەتى 9 اقپانداعى ق ر پرەزيدەنتىنىڭ قازاقستان قارۋلى كۇشتەرىنە كەزەكتى مەرزىمدى اسكەري قىزمەتكە شاقىرۋ تۋرالى جارلىعىن ىسكە اسىرۋ تۋرالى قاۋلى قابىلدادى، دەپ حابارلايدى Almaty-akshamy.kz
اتاپ ايتقاندا، وڭىرلەردەگى اكىمدىكتەرگە شاقىرۋ كوميسسيالارىنىڭ جۇمىسىن ۇيىمداستىرۋ جانە 2023 جىلدىڭ ناۋرىز-ماۋسىم جانە قىركۇيەك-جەلتوقسان ايلارىندا 18 بەن 27 جاس ارالىعىنداعى كەيىنگە قالدىرۋعا نەمەسە بوساتۋعا قۇقىعى جوق 37 056 ەر ازاماتتى شاقىرۋدى قامتاماسىز ەتۋ تاپسىرىلدى.
سونىمەن قاتار اكىمدىكتەر شاقىرۋ پۋنكتىن مەديسينا جاعىنان قامتاماسىز ەتۋدى ۇيىمداستىرىپ، مەرزىمدى اسكەري قىزمەتكە وتستاۆكاداعى اسكەري قىزمەتشىلەر مەن اسكەري قىزمەتكە شاقىرىلعان ازاماتتاردى تاسىمالداۋدى قامتاماسىز ەتۋگە ءتيىس.
اسكەري مىندەتتىلەر مەن وتستاۆكاداعى اسكەري قىزمەتشىلەردى تاسىمالداۋعا ارنالعان شىعىندى وتەۋ تىكەلەي تاسىمالداۋدى جۇزەگە اسىراتىن ۇيىمدارعا ولار ۇسىنعان شوت بويىنشا رەسپۋبليكالىق بيۋدجەتتە وسى ماقساتتارعا كوزدەلگەن قاراجات ەسەبىنەن جۇرگىزىلەدى.
ىشكى ىستەر مينيسترلىگىنە اسكەرگە شاقىرىلۋشىلاردى جيناۋ جانە جىبەرۋ ورىندارىندا ىشكى ىستەر ورگاندارى قىزمەتكەرلەرىنىڭ كۇشەيتىلگەن كەزەكشىلىگىن ۇيىمداستىرۋ قاجەت.
قاۋلى قول قويىلعان كۇنىنەن باستاپ كۇشىنە ەنەدى.
2023 جىلعى 2 قاڭتاردا قاسىم-جومارت توقايەۆ مەرزىمدى اسكەري قىزمەتشىلەردى زاپاسقا شىعارۋ جانە 2023 جىلعى ناۋرىز-ماۋسىم جانە قىركۇيەك-جەلتوقسان ايلارىندا وتەتىن اسكەرگە كەزەكتى شاقىرۋ تۋرالى جارلىققا قول قويدى.