اكىمدىك دەنساۋلىق ساقتاۋ سالاسىن دامىتۋ بويىنشا بەلسەندى شارالار قابىلداۋدا.
مۇندا №18 ەمحانانىڭ شامادان تىس جۇكتەلۋى پروبلەمالىق ماسەلە بولىپ وتىر، دەپ حابارلايدى Almaty-akshamy.kz
ونى شەشۋ ءۇشىن وسى جىلدىڭ 5 تامىزىندا «مامىر-1» شاعىن اۋدانىندا اۋىسىمىنا 200 كەلۋشىگە ارنالعان جاڭا وتباسىلىق-دارىگەرلىك امبۋلاتوريا اشىلدى.
بيىلعى جىلدىڭ قازان ايىندا «قۋانىش» شاعىن اۋدانىندا اۋىسىمىندا 300 ادام قابىلدايتىن №18 ەمحانانىڭ جاڭا عيماراتىن سالۋ ءۇشىن جەر ۋچاسكەسىن ساتىپ الۋ اياقتالادى. جوبالاۋ-سمەتالىق قۇجاتتامانى ازىرلەۋ 2024 جىلعا جوسپارلانعان.
انىقتاما ءۇشىن: 2023 جىلعى 24 تامىزدا جەر ۋچاسكەسىنىڭ مەنشىك يەسىنە وتەماقى سوماسى كورسەتىلگەن ساتىپ الۋ-ساتۋ شارتىنىڭ جوباسىمەن تانىسۋ ءۇشىن حابارلاما جىبەرىلدى (428 ملن. تگ.). 2023 جىلعى 15 قىركۇيەككە دەيىن مەنشىك يەسى مەملەكەت مۇقتاجى ءۇشىن جەر ۋچاسكەسىن ساتىپ الۋعا كەلىسىم بەرۋى نەمەسە ونىمەن كەلىسپەۋى قاجەت. كەلىسكەن جاعدايدا جەر ۋچاسكەسىن ساتىپ الۋ ماسەلەسى الماتى قالاسى ءماسليحاتىنىڭ تاياۋداعى وتىرىسىنا ەنگىزىلەتىن بولادى. جەر ۋچاسكەسىن ساتىپ الۋعا كەلىسپەگەن جاعدايدا جەر قاتىناستارى باسقارماسى جەر ۋچاسكەسىن ماجبۇرلەپ يەلىكتەن شىعارۋ تۋرالى تالاپ-ارىز جىبەرەتىن بولادى. قاراۋ مەرزىمى 3-6 اي.