بيىل كوپ بالالى وتباسىلارعا قانشا جاردەماقى تولەنەدى؟

جاردەماقى مولشەرى 8،5%-كە ارتتى.

2023 جىلعى قاڭتار ايىندا كوپ بالالى 532،6 مىڭ وتباسىنا 33،1 ملرد تەڭگە مولشەرىندە جاردەماقى تولەندى، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

مەملەكەتتىك جاردەماقىعا كامەلەتكە تولماعان 4 جانە ودان كوپ بىرگە تۇراتىن نەمەسە كۇندىزگى بولىمدە وقيتىن 23 جاسقا دەيىنگى ستۋدەنت بالالارى بار وتباسىلار ۇمىتكەر بولا الادى.

تولەم مولشەرى بالا سانىنا قاراي ەسەپتەلەدى:

4 بالاسى بارلارعا – 16،03 اەك نەمەسە 55 304 تەڭگە؛

5 بالاعا – 20،04 اەك نەمەسە 69 138 تەڭگە؛

6 بالاعا – 24،05 اەك نەمەسە 82 973 تەڭگە؛

7 بالاعا – 28،06 اەك نەمەسە 96 807 تەڭگە؛

8 جانە ودان دا كوپ بالاسى بار وتباسىلارعا – ءار بالاعا 4 اەك نەمەسە 13 800 تەڭگە مولشەرىندە.

ەسكە سالساق، مەملەكەتتىك جاردەماقى 2020 جىلى 1 قاڭتاردان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپ بالالى وتباسىلاردى قولداۋدىڭ ءۇش نەگىزگى باعىتى اياسىندا ەنگىزىلگەن بولاتىن. جاردەماقى تولەۋ كەزىندە كوپ بالالى وتباسىلاردىڭ تابىسى ەسكەرىلمەيدى.

2023 جىلعى 1 قاڭتاردان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 8،5%-عا ارتتى.