كوللەدجدەردە قابىلداۋ ەمتيحاندارى جوق
قازاقستاندا كوللەدجدەرگە تۇسۋگە 180 مىڭنان استام تالاپكەر قۇجات تاپسىرعان. بۇل تۋرالى ءىnstagram جەلىسىندە وتكەن تىكەلەي ەفير بارىسىندا وقۋ-اعارتۋ مينيسترلىگىنىڭ تەحنيكالىق جانە كاسىپتىك ءبىلىم دەپارتامەنتىنىڭ باسقارما باسشىسى التاي راحيمبەرلين ايتتى، دەپ حابارلايدى Almaty-akshamy.kz.
«25 ماۋسىمنان 25 تامىزعا دەيىن كوللەدجگە ءتۇسۋ ءۇشىن قۇجات قابىلداۋ جۇمىستارى جۇرگزىلدى. ناتيجەسىندە 180 مىڭنان استام ءوتىنىش ءتۇستى. ونىڭ ىشىندە 120 مىڭنان استام ءوتىنىش مەملەكەتتىك ءبىلىم بەرۋ تاپسىرىسى نەگىزىندە قابىلداندى»، - دەدى التاي راحيمبەرلين.
سونىمەن قاتار ول كوللەدجدەردە قابىلداۋ ەمتيحاندارى الىنىپ تاستالعانىنا توقتالدى.
«تەك مەديسينالىق جانە شىعارماشىلىق ماماندىقتار بويىنشا تالاپكەرلەر ارنايى ەمتيحان تاپسىرادى. جۇمىس ماماندىقتارىنا تالاپكەرلەرمەن اڭگىمەلەسۋ قورىتىندىسى نەگىزىندە قابىلدانادى. ال قولدانبالى باكالاۆر ماماندىقتارىنا تالاپكەرلەر اتتەستاتتىڭ ورتاشا بالى نەگىزىندە ىرىكتەلەدى»، - دەپ اتاپ ءوتتى تەحنيكالىق جانە كاسىپتىك ءبىلىم دەپارتامەنتىنىڭ باسقارما باسشىسى.
ەسكە سالايىق، بۇعان دەيىن «ءبىلىمدى ۇلت» ۇلتتىق جوباسى اياسىندا 2025 جىلعا دەيىن بارلىق تالاپكەرلەر ءۇشىن كوللەدجدەردە ءبىلىم الۋ تەگىن بولاتىنىن جازىپ ەدىك.