TIME جۋرنالى 2024 جىلدىڭ «جىل ادامى» اتاعىنا ۇمىتكەرلەردىڭ ءتىزىمىن جاريالادى. تىزىمگە بيىلعى جىلى الەمگە ەرەكشە ىقپال ەتكەن تۇلعالار كىردى. بۇل اتاق 1927 جىلدان بەرى بەرىلەدى جانە ول ادامنىڭ، توپتىڭ نەمەسە يدەيانىڭ وتكەن 12 ايداعى الەمگە اسەرىن ايقىندايدى. بۇل ىقپالدىڭ وڭ نەمەسە تەرىس بولۋى ماڭىزدى ەمەس.
ۇمىتكەرلەر ءتىزىمى:
- كامالا حارريس – اقش-تىڭ ۆيسە-پرەزيدەنتى جانە 2024 جىلعى پرەزيدەنتتىك سايلاۋدا دەموكراتيالىق پارتيانىڭ كانديداتى.
- يلون ماسك – Tesla مەن SpaceX باس ديرەكتورى، الەمدەگى ەڭ باي ادام.
- دونالد ترامپ – اقش-تىڭ 47ء-شى پرەزيدەنتى.
- كەيت ميددلتون – ۋەلس حانشايىمى، بيىل وعان قاتەرلى ىسىك دياگنوزى قويىلعان.
- بينيامين نەتانياحۋ – يزرايل پرەمەر-مينيسترى.
- يۋليا ناۆالنايا – رەسەيلىك وپپوزيسيونەر الەكسەي ناۆالنىيدىڭ جەسىرى.
- دجەروم پاۋەلل – اقش فەدەرالدى رەزەرۆ جۇيەسىنىڭ ءتوراعاسى.
- دجو روگان – اقش-تاعى ەڭ تانىمال پودكاست جۇرگىزۋشىسى ءارى كوميك.
- مارك سۋكەربەرگ – Meta كومپانياسىنىڭ باس ديرەكتورى.
- كلاۋديا شەينباۋم – مەكسيكانىڭ العاشقى ايەل-پرەزيدەنتى.
TIME جۋرنالى الەمدەگى ساياسات، ەكونوميكا، مادەنيەت جانە تەحنولوگيا سىندى ماڭىزدى باعىتتارعا ىقپالىن تيگىزگەن تۇلعالاردى قامتىدى.
2023 جىلى بۇل اتاقتى ايگىلى ءانشى تەيلور سۆيفت جەڭىپ العان بولاتىن. 2024 جىلدىڭ جەڭىمپازى 12 جەلتوقسان كۇنى بەلگىلى بولادى.
TIME جۋرنالىنىڭ «جىل ادامى» – جاھاندىق وزگەرىستەر مەن ىقپالدىڭ سيمۆولى. كىمنىڭ تاڭدالاتىنى بۇكىل الەم ءۇشىن قىزىقتى جاڭالىق بولماق.