اباي اتىنداعى قازۇپۋ-دە لوتارينگيا ۋنيۆەرسيتەتىنىڭ (فرانسيا) فيليالى اشىلدى.
بۇل مەملەكەت باسشىسى قاسىم-جومارت توقايەۆتىڭ ەلىمىزدە جەتەكشى شەتەلدىك جوعارى وقۋ ورىندارىنىڭ فيليالدارىن اشۋ تۋرالى تاپسىرماسىنا سايكەس جۇزەگە اسىپ وتىر. بۇل جوباعا ق ر عىلىم جانە جوعارى ءبىلىم مينيسترلىگىنىڭ قولداۋىنا وراسان زور، دەپ حابارلايدى aqshamnews.kz.
لوتارينگيا ۋنيۆەرسيتەتى فرانسيانىڭ 13 قالاسىندا 49 وقۋ عيماراتتارى بار جەتەكشى فرانسۋز ۋنيۆەرسيتەتتەرىنىڭ ءبىرى. ءارى (Université de Lorraine) – فرانسۋز مەملەكەتتىك زەرتتەۋ ۋنيۆەرسيتەتى بولىپ تابىلادى. لوتارينگيا ۋنيۆەرسيتەتىمەن اباي ۋنيۆەرسيتەتى اراسىندا ىنتىماقتاستىق بۇرىننان جولعا قويىلعان. ياعني اباي اتىنداعى قازۇپۋ مەن بىرگە 2018 جىلدان باستاپ "حالىقارالىق قۇقىق" قوس ديپلومدى ءبىلىم بەرۋ باعدارلاماسى جۇزەگە اسىرىلىپ كەلەدى.
لوتارينگيا ۋنيۆەرسيتەتىنىڭ سالتاناتتى شاراسىنا ارنايى كەلگەن قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ ءتوراعاسى گۇلزات كوبەنوۆا مەن فرانسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگە ارنايى مەموريالدىق تاقتانى اشتى. بۇدان سوڭ، قوناقتار فرانسۋز تىلىندەگى العاشقى ورتالىق-ازيا كىتاپحاناسىنىڭ اشىلۋ سالتاناتىنا كۋا بولدى. اباي ۋنيۆەرسيتەتىنىڭ پروفەسسور-وقىتۋشىلارى جانە ستۋدەنتتەرى مەن كەزدەسكەن مارتەبەلى مەيماندار لوتارينگيا ۋنيۆەرسيتەتى فيليالىنىڭ اشىلۋى ءبىلىم جانە عىلىم سالاسىنا جاڭا لەپ الىپ كەلەتىندىگىن جەتكىزدى. جيىنعا لوتارينگيا ۋنيۆەرسيتەتىنىڭ قۇقىق، ەكونوميكا جانە باسقارۋ ينستيتۋتىنىڭ ديرەكتورى پەر تيفين، ق ر پرەزيدەنت جانىنداعى ادام قۇقىقتارى جونىندەگى كوميسسيانىڭ ءتوراعاسى يگور روگوۆ، اباي اتىنداعى ءقازۇپۋ-نىڭ رەكتورى بولات تىلەپ، ق ر سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ باسشىسى جانىبەك ءابدىراشوۆ، قازاقستان-فرانسيا ساۋدا-ونەركاسىپ پالاتاسىنىڭ باس ديرەكتورى مۋنيرا ارتىقبەكوۆا ت.ب باسقا قوناقتار قاتىسىپ، ۋنيۆەرسيتەت فيليالىنىڭ الداعى اتقارار ىسىنە ساتتىلىك تىلەدى.
ايتۋلى كۇندە 1 كۋرس ستۋدەنتتەرىنە رەكتوردىڭ ءبىلىم گرانتتارى تابىس ەتىلدى. سونداي-اق لوتارينگيا ۋنيۆەرسيتەتىنىڭ ديپلومدارى "حالىقارالىق قۇقىق" قوس ديپلومدى باعدارلاماسىنىڭ تۇلەكتەرىنە ارنايى بەرىلدى. ال سوربوننا-قازاقستان ينستيتۋتىنىڭ 5 ۇزدىك ستۋدەنتىنە "Freedom شاپاعات" كورپوراتيۆتىك قورىنان اي سايىنعى 50 مىڭ تەڭگە مولشەرىندەگى ستيپەنديا سەرتيفيكاتى ۇسىنىلدى.
ارنايى وتكەن جيىننان سوڭ، اباي ۋنيۆەرسيتەتى ق ر پرەزيدەنت جانىنداعى ادام قۇقىقتارى جونىندەگى كوميسسياسىمەن، لوتارينگيا ۋنيۆەرسيتەتىنىڭ قۇقىق، ەكونوميكا جانە باسقارۋ ينستيتۋتى جانە قازاقستان-فرانسيا ساۋدا-ونەركاسىپ پالاتاسى اراسىندا بىرنەشە ورتاق كەلىسىم جاسالىپ تاراپتار ءوزارا مەموراندۋمعا قول قويدى. الداعى ۋاقىتتا ءبىلىم، عىلىم جانە ادام قۇقىقتارى سالاسىنداعى ءوزارا ءتيىمدى ىنتىماقتاستىقتى دامىتۋ، قۇقىق سالاسىنداعى فرانسۋز-قازاقستاندىق قوس ديپلوم باعدارلاماسىن ىسكە اسىرۋ، كاسىپتىك دايارلاۋ، جۇمىسقا ورنالاستىرۋ جانە فرانسۋز ءتىلىن ۇيرەنۋ سالاسىندا ءوزارا ءتيىمدى ىنتىماقتاستىقتى دامىتۋ بويىنشا ورتاق جوبالار ارى قارايدا جانداناتىن بولادى.