اشم سۋبسيديالاۋ جۇيەسىن رەفورمالاپ، جاڭا تاسىلدەردى ەنگىزبەك.
قازاقستاندىق شارۋالار جۇمىرتقا ءوندىرۋ سالاسىنداعى سۋبسيديا سانىن قىسقارتۋعا قارسى ەكەنىن ايتتى، دەپ حابارلايدى Almaty-akshamy.kz ءىnbusiness.kz سايتىنا سىلتەمە جاساپ.
جۇمىرتقا وندىرۋشىلەرى قاۋىمداستىعى باسپا ءسوز قىزمەتىنىڭ مالىمەتىنشە، اۋىل شارۋاشىلىعى مينيسترلىگى سالاداعى 47 سۋبسيديا ءتۇرىن 20-عا دەيىن قىسقارتۋ كەرەك دەپ ۇسىنىس جاساعان.
مينيستر ەربول قاراشوكەيەۆتىڭ پىكىرىنشە، سۋبسيديانىڭ سانىنان گورى ونىڭ شارۋالارعا قولجەتىمدىلىگى ماڭىزدى. ءبىراق وتاندىق شارۋالار مۇنىمەن كەلىسپەيدى. ولار سۋبسيديا ازايسا، سالا شىعىنعا باتادى دەگەن پىكىردە. جۇمىرتقا وندىرۋشىلەرى قاۋىمداستىعىنىڭ وكىلى امان سەرىك ۇلى سۋبسيديالاردىڭ الىنىپ تاستالۋى اۋىر سوققى بولاتىنىن ايتادى.
«جۇمىرتقانى سۋبسيديالاۋدى الىپ تاستاۋ قۇس فابريكالارىنىڭ تابىسىنىڭ ازايۋۋىنا اكەلەدى. پايدا تاپپاي، جۇمىس ىستەۋ مۇمكىن ەمەس. سوندىقتان وندىرۋشىلەر جۇمىرتقا باعاسىن كوتەرۋگە ءماجبۇر بولادى. ءبىراق ءقازىر قازاقستاندا جۇمىرتقا ىشكى نارىقتا تۇتىنىلاتىن كولەمنەن الدەقايدا كوپ وندىرىلەدى. ۇسىنىس سۇرانىستان اسىپ كەتكەن جاعدايدا باعانى كوتەرۋ مۇمكىن ەمەس. سوندىقتان فابريكالار بانكروت بولماس ءۇشىن، ءوندىرىس كولەمىن قىسقارتۋعا ءماجبۇر بولامىز»، - دەدى قاۋىمداستىق وكىلى.
قازاقستان جۇمىرتقا وندىرۋشىلەر قاۋىمداستىعىنىڭ ءتوراعاسى ماكسيم بوجكونىڭ ايتۋىنشا، بيىل جۇمىرتقالايتىن تاۋىقتار سانىن 10-20% قىسقارتۋ 300-600 جۇمىس ورنىنىڭ قىسقارۋىنا جانە ءوندىرىستىڭ 200-400 ملن دانا جۇمىرتقاعا تومەندەۋىنە اكەلۋى مۇمكىن. بۇل تۇتىنۋشىلاردىڭ قالتاسىنا دا اسەر ەتپەي قويمايدى. جۇمىرتقا وندىرۋشىلەرى قاۋىمداستىعىنىڭ باعالاۋىنشا، جۇمىرتقا 10-30% قىمباتتاۋى ىقتيمال.