كولىك مينيسترلىگى Air Astana اۋەكومپانياسىنىڭ بورتتارىن اۋىستىرۋعا قاتىستى ءبىرقاتار تاپسىرما بەردى. ونىڭ ىشىندە ۇشاقتى اۋىستىرعان جاعدايدا جولاۋشىلارعا وتەماقى تولەۋ ءتارتىبى ازىرلەنەتىن بولدى.
«Air Astana» اۋەكومپانياسىنىڭ اۋە كەمەلەرىن جولاۋشىلارعا الدىن الا ءتيىستى حابارلاماسىز FlyArystan ۇشاعىنا اۋىستىرۋ جاعدايلارىنىڭ كوبەيۋىنە بايلانىستى كولىك ۆيسە-مينيسترى تالعات لاستايەۆ «Air Astana» اق وكىلدەرىمەن كەزدەستى.
2023 جىلى «Air Astana» اۋە كومپانياسى 31 588 رەيستى ورىنداعان، ونىڭ ىشىندە 226 رەيستە «Air Astana» اۋەكومپانياسىنىڭ اۋە كەمەلەرى «Fly Arystan» اۋە كەمەلەرىنە اۋىستىرىلعان. بۇل ورىندالعان رەيستەردىڭ جالپى سانىنىڭ 0،7%-ى.
جيىن ناتيجەسىندە «Air Astana» اۋەكومپانياسىنا تاپسىرما بەرىلدى:
«Air Astana» اۋە كەمەلەرىن «Fly Arystan» اۋە كەمەلەرىنە اۋىستىرۋ پراكتيكاسىن بارىنشا ازايتۋ جونىندە شارالار قابىلداۋ؛
ۇشاقتى اۋىستىرعان جاعدايدا جولاۋشىلاردى الدىن الا حاباردار ەتۋ بويىنشا جۇمىستى ورناتۋ جانە قامتاماسىز ەتۋ؛
ۇشاقتى اۋىستىرعان جاعدايدا جولاۋشىلارعا وتەماقى تولەۋ ءتارتىبى بويىنشا ۇسىنىستار ازىرلەۋ؛
«Air Astana» رەزەرۆتىك اۋە كەمەلەرىنىڭ سانىن 1-دەن 2-گە دەيىن ۇلعايتۋ جونىندە شارالار قابىلداۋ.
كولىك مينيسترلىگى رەيسكە بايلانىستى وزگەرىستەر بولعان كەزدە جولاۋشىلار قۇقىعى ساقتالۋىنا مونيتورينگ جۇرگىزۋ بويىنشا جۇمىستى جالعاستىرادى جانە بۇزۋشىلىقتار انىقتالعان جاعدايدا اكىمشىلىك شارالار قابىلدايدى.