ەرىكتىلەر 750 ملن تەڭگەدەن استام بيۋدجەت قاراجاتىنىڭ نەگىزسىز جۇمسالۋىنىڭ الدىن الدى
ۆولونتەرلىك اياسىندا كاسىبي زاڭگەرلەر، ادۆوكاتتار 9 مىڭنان استام ازاماتقا قۇقىقتىق كەڭەس بەردى، دەپ حابارلايدى Almaty-akshamy.kz
انتيكوردىڭ مالىمەتىنشە، ماڭعىستاۋ وبلىسىنىڭ بيۋدجەتىنە شامامەن 200 ملن تەڭگە قايتارىلعان.
اتاپ ايتقاندا، وسى جىلدىڭ قازانىندا «كاسپيي جىلۋ، سۋ ارناسى» مكك (اقتاۋ ق.) 247 ملن تەڭگەگە «ءۇش تىزبەكتى ستانسيانىڭ» 1 داناسىن ساتىپ الۋدى جوسپارلاعان. بۇل رەتتە جۇرگىزىلگەن تالداۋ نارىقتىق باعا شامامەن 50 ملن تەڭگە ەكەنىن كورسەتتى. ءتيىستى جۇمىستىڭ ناتيجەسىندە تاۋاردىڭ قۇنى 49 ملن تەڭگەگە دەيىن تومەندەتىلدى.
سونداي-اق، قاراشادا الماتى قالاسىندا ورتا مەكتەپ جالپى قۇنى 12،5 ملن تەڭگەگە 25 كومپيۋتەر ساتىپ الۋدى جوسپارلاعان، ياعني ءبىر داناسىڭ ءۇشىن – 500 مىڭ تەڭگە. الايدا، مونيتورينگ بارىسىندا تەحنيكالىق ەرەكشەلىك بويىنشا قولايلى مونوبلوكتىڭ قۇنى شامامەن 315 مىڭ تەڭگە ەكەنى انىقتالدى. قورىتىندىسى بويىنشا ساتىپ الۋ توقتاتىلىپ، جاۋاپتى تۇلعالار تارتىپتىك جاۋاپكەرشىلىككە تارتىلدى.
اتىراۋ وبلىسىندا ەرىكتىلەر جۇمىسىنان كەيىن قىزىلقوعا اۋدانىنداعى مادەنيەت ءۇيى جەتكىزۋشىلەر اراسىنداعى باسەكەلەستىك شارتتارىنىڭ بۇزىلۋىنا بايلانىستى 5،3 ملن تەڭگەگە كارتينالار ساتىپ الۋدى توقتاتتى.
مەملەكەتتىك ساتىپ الۋلاردى تالداۋدان باسقا، ۆولونتەرلەردىڭ ەداۋىر بولىگى الەۋمەتتىك نىساندار قۇرىلىسىنىڭ بارىسىن مونيتورينگىلەۋگە جۇمىلدىرىلعان. اقمولا وبلىسىندا بۇلاندى اۋىلىندا مەكتەپ سالۋ مونيتورينگىنىڭ قورىتىندىسى بويىنشا جالعاۋ توراپتارىنىڭ بۇزىلۋى جانە شاتىردىڭ اعاش كونسترۋكسيالارىن وتقا ءتوزىمدى وڭدەۋدىڭ بولماۋى انىقتالدى. مەملەكەتتىك ساۋلەت-قۇرىلىس باقىلاۋ باسقارماسىنىڭ تەكسەرۋ ناتيجەلەرى بويىنشا قنجە بۇزۋشىلىقتارى جانە جوبالىق شەشىمنەن اۋىتقۋلار انىقتالدى. مەردىگەرگە بۇزۋشىلىقتاردى جويۋ تۋرالى نۇسقاما بەرىلدى جانە اقبتك-نىڭ 312-بابى بويىنشا حاتتاما تولتىرىلدى.
الماتى وبلىسىندا اكىمدىك بەلگىلەنگەن مەرزىمدە «جاسىل ەل» باعدارلاماسىنا قاتىسقان 1200 ستۋدەنتكە ەڭبەكاقى تولەمەگەن. ەرىكتىلەردىڭ ارالاسۋىنان كەيىن ستۋدەنتتەرگە 133،9 ملن تەڭگە تولەندى.
شىمكەنت قالاسىندا مونيتورينگتىك توپتىڭ كاسىپكەرلىك سۋبەكتىلەرىنە زاڭسىز بارۋى توقتاتىلدى. دەنساۋلىق ساقتاۋ باسقارماسىنىڭ باسشىسى جەكە مەديسينالىق ۇيىمداردىڭ مونيتورينگى بويىنشا نەگىزسىز بۇيرىق شىعارعان. ۋاقتىلى ارەكەت ەتۋ ناتيجەسىندە بۇيرىق جويىلدى.
شقو ەرىكتىلەرى التاي اۋدانىنداعى «قازمىرىش» ج ش س تاۋ-كەن بايىتۋ كەشەنىنىڭ جانىندا «زەلەنكا» وزەنىنىڭ لاستانۋ فاكتىلەرىن انىقتادى. سىبايلاس جەمقورلىققا قارسى قىزمەت وبلىستىڭ ەكولوگيا دەپارتامەنتىمەن ەكولوگيالىق نورمالاردىڭ تالاپتارىن ساقتاۋ ماسەلەلەرى بويىنشا تەكسەرۋ جۇرگىزۋگە باستاماشىلىق جاسادى.
سونىمەن قاتار، ۆولونتەرلىك اياسىندا كاسىبي زاڭگەرلەر، ادۆوكاتتار 9 مىڭنان استام ازاماتقا قۇقىقتىق كەڭەس بەردى. جوبانىڭ ماقساتى – جەمقورلىققا قارسى ءىس-قيمىلعا بەلسەندى ازاماتتاردى، مەملەكەتتىك ورگانداردى، كۆازيمەملەكەتتىك سەكتوردى جانە قوعامدىق بىرلەستىكتەردى تارتۋ.