وكسفورد 2025 جىلى ءجيى قولدانىلعان ءسوزدى اتادى، دەپ حابارلايدى aqshamnews.kz
سوڭعى 12 ايدا بۇل ءسوزدى قولدانىلۋ جيىلىگى ءۇش ەسە ارتقان.
وكسفورد ۋنيۆەرسيتەتىنىڭ باسپا ءبولىمى 2025 جىلدىڭ ءسوزى رەتىندە "رەيدجبەيت" (rage bait) تەرمينىن تاڭدادى.
Rage bait – ادەتتە بەلگىلى ءبىر ۆەب-بەتكە نەمەسە الەۋمەتتىك جەلىدەگى اككاۋنتقا ترافيك پەن نازار تارتۋ ءۇشىن جاريالاناتىن، ادەيى اشۋ-ىزا نەمەسە نارازىلىق تۋدىرۋعا باعىتتالعان، ارانداتۋشىلىق نەمەسە قورلايتىن مازمۇن.
"2025 جىلعى جاڭالىقتار لەگىندە الەۋمەتتىك تولقۋلار، ونلاين-كونتەنتتى رەتتەۋ تۋرالى پىكىرتالاستار جانە سيفرلىق ءال-اۋقاتقا قاتىستى الاڭداۋشىلىقتار باسىم بولدى. ءبىزدىڭ ساراپشىلار بيىل rage bait ءسوزىنىڭ قولدانىلۋىنىڭ وزگەرگەنىن بايقادى، بۇل – ينتەرنەتتەگى بەلسەندىلىك جانە ەتيكا تۋرالى اڭگىمەلەردىڭ وزگەرىسكە ۇشىراعانىن كورسەتەدى"، – دەلىنگەن وكسفورد ۋنيۆەرسيتەتى باسپاسىنىڭ (Oxford University Press) حابارلاماسىندا.