مۇنداي بالالارعا بەرىلەتىن تۇرعىن ءۇي سانى 38 پايىزعا ءوستى.
2022 جىلدىڭ 9 ايىندا جەتىم جانە اتا-اناسىنىڭ قامقورلىعىنسىز قالعان 534 بالالار تۇرعىن ۇيمەن قامتاماسىز ەتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ. بۇل جايىندا سەنات دەپۋتاتىنىڭ ساۋالىنا ق ر پرەمەر-مينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ كوممۋنالدىق تۇرعىن ءۇي قورىنان نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيدەن ءۇي الۋعا ءبىرىنشى كەزەكتەگى قۇقىعى بار. زاڭعا سايكەس، جەتىم بالالار مەن اتا-اناسىنىڭ قامقورلىعىنسىز قالعان بالالارعا كوممۋنالدىق تۇرعىن ءۇي قورىنان نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيلەردىڭ جالپى سانىنىڭ كەمىندە جيىرما پايىزى بولىنەدى. جەتىم بالالار مەن اتا-اناسىنىڭ قامقورلىعىنسىز قالعان بالالارعا جىلىنا بەرىلەتىن تۇرعىن ءۇي سانى 38 پايىزعا ءوستى. وسى جىلدىڭ 9 ايىندا مەملەكەتتىك تۇرعىن ءۇي قورىنان 5 165 ازامات، ونىڭ ىشىندە جەتىم جانە اتا-اناسىنىڭ قامقورلىعىنسىز قالعان 534 بالالار تۇرعىن ۇيمەن قامتاماسىز ەتىلدى»، - دەلىنگەن سەنات دەپۋتاتىنىڭ ساۋالىنا ق ر پرەمەر-مينيسترى ءاليحان سمايىلوۆتىڭ بەرگەن جاۋابىندا.
ونىڭ دەرەگىنشە، جەتىم بالالار مەن اتا-اناسىنىڭ قامقورلىعىنسىز قالعان بالالاردى تۇرعىن ۇيمەن قامتاماسىز ەتۋ ماقساتىندا بارلىق وڭىرلەردە وسى ساناتتاعى بالالاردى قولداۋ جونىندەگى كەشەندى جوسپارلار ازىرلەندى.
«وندا جەتىم بالالار مەن اتا-اناسىنىڭ قامقورلىعىنسىز قالعان بالالاردى بيۋدجەتتەن تىس، دەمەۋشىلىك قاراجات ەسەبىنەن، سونداي-اق پاتروناتتىق ۇيىمداردىڭ قاراجاتى ەسەبىنەن تۇرعىن ۇيمەن قامتاماسىز ەتۋ جونىندەگى شارالار كوزدەلگەن. بۇدان باسقا، جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ تاربيەلەنۋشىلەرىنە «وتباسى بانك» اق-دا دەپوزيتتىك شوتتار اشىلدى، ولار اسىراۋشىسىنان ايرىلۋ، مۇگەدەكتىك، اليمەنت بويىنشا الاتىن جاردەماقىلارى ەسەبىنەن، سونداي-اق الەۋمەتتىك ارىپتەستەردىڭ، بيزنەس-قۇرىلىمداردىڭ قاراجات اۋدارۋى جولىمەن تولىقتىرىلادى»، - دەدى ۇكىمەت باسشىسى.