اۋىر سومكەنىڭ ورنىنا ەندى وقۋشىلار مەكتەپكە پلانشەت تاسۋى مۇمكىن

وقۋشىلاردىڭ اۋىر ريۋكزاكتارىن پلانشەتتەر اۋىستىرادى.

بۇل تۋرالى بۇگىن ۇكىمەت وتىرىسىندا  سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين مالىمدەدى، دەپ حابارلايدى BAQ.KZ ءتىلشىسى.

«ارىپتەسىم اسحات قانات ۇلى ۇسىنعانداي، «اۋىر ريۋكزاكتار» مەن مەكتەپتەردەگى سيفرلاندىرۋ دەڭگەيىن ارتتىرۋ ماسەلەلەرى پلانشەت قولدانۋ ارقىلى كەشەندى شەشىمىن تابۋى مۇمكىن. پلانشەتتەر سيفرلىق وقۋلىق رەتىندە نەمەسە ۇيدەن ونلاين ءبىلىم الۋ قۇرالى رەتىندە قولدانۋعا وڭ اسەرىن تيگىزەدى.  كورىپ وتىرعانداي، مۇنداي ءادىس ءبىرقاتار دامىعان ەلدە، ونىڭ ىشىندە ۇلىبريتانيا، نورۆەگيا، وڭتۇستىك كورەيا جانە تۇركيانىڭ مەكتەپتەرىندە جاقسى ناتيجەگە اكەلدى. بۇعان قوسا، وقۋشىلار ءۇشىن شىعارماشىلىق پاندەر بويىنشا ءوز كونتەنتىن جاساۋعا مۇمكىندىك بەرەدى. اتالعان ەلدەردە وسى شەشىم نەگىزىندە وڭىرلەر اراسىنداعى «سيفرلىق» تەڭسىزدىكتى تومەندەتۋگە، وقۋشىلاردىڭ ريۋكزاكتارىن جەڭىلدەتۋگە ماقسات قويىلدى»، - دەدى باعدات مۋسين.

سونىمەن قاتار ءمۋسيننىڭ ايتۋىنشا، وقۋ-اعارتۋ مينيسترلىگىمەن بىرلەسىپ 2023 جىلدىڭ سوڭىنا دەيىن مەكتەپتەرگە ارنالعان لوكالدى جانە Wi-Fi جەلىلەردىڭ ستاندارتتى تالاپتارىن، جۇمىس ءتارتىبى مەن توپولوگيالارىن بەكىتۋ ۇسىنىلادى.

«سونىمەن بىرگە، مينيسترلىك مەكتەپتەر ءۇشىن بايلانىس وپەراتورلارىنىڭ ءبىرىڭعاي بايلانىس ورتالىعىن قۇرۋدى قولعا الاتىن بولادى. ال اكىمدىكتەر 2023 جىلدىڭ سوڭىنا دەيىن ءار مەكتەپ ىشىندەن لوكالدى جەلىنىڭ بولۋىن قامتاماسىز ەتۋى قاجەت»، - دەدى سيفرلىق دامۋ ءمينيسترى.