قازاقستاندىقتار 11 ايدا 431 ملرد تەڭگەگە شەتەل ۆاليۋتاسىن ساتىپ العان
2021 جىلعى قاراشادا ەل تۇرعىندارى نەتتو-نەگىزدە 431 ملرد تەڭگەگە بالاما قارجىعا قولما-قول شەتەل ۆاليۋتاسىن ساتىپ الدى. بۇل تۋرالى ۇلتتىق بانكتىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz
وتكەن ايمەن سالىستىرعاندا، شىعىستار 1،5 ەسە ۇلعايدى (2021 جىلعى قازانداعى كورسەتكىش – 294،5 ملرد تەڭگە)، 2020 جىلدىڭ وسى كەزەڭىنە قاراعاندا (283،7 ملرد تەڭگە) نەتتو-ساتىپ الۋ كولەمى 1،5 ەسە وسكەن.
«شىعىستىڭ نەگىزگى كولەمى – 68،6% نەمەسە 295،5 ملرد تەڭگە – دوللاردىڭ، 20،6% نەمەسە 88،8 ملرد تەڭگە – رەسەي ءرۋبلىنىڭ ۇلەسىندە، 10،8% نەمەسە 46،4 ملرد تەڭگە – ەۋرونى ساتىپ الۋعا باعىتتالدى»، - دەلىنگەن حابارلامادا.
ءبىر ايدا دوللاردى ساتىپ الۋ شىعىسى 1،6 ەسە، ءرۋبلدى ساتىپ الۋ – 23،0%، ەۋرونى ساتىپ الۋ شىعىسى 37،5% وسكەن.