جىل سايىن ەرتە ءپىسىپ جەتىلەتىن داقىلداردىڭ الاڭى ۇلعايىپ كەلەدى. بۇل تۋرالى ماجىلىستە ءوتىپ جاتقان ۇكىمەت ساعاتىندا اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz. .
«بيىل وبلىستار اكىمدىكتەرىنىڭ دەرەكتەرى بويىنشا كوكونىس داقىلدارى 173،5 مىڭ گەكتارعا، كارتوپ 197،6 مىڭ گەكتارعا ەگىلدى. جالپى، كوكونىس داقىلدارى مەن كارتوپتىڭ جالپى ءونىمى ىشكى نارىقتى قاجەت كولەممەن تولىق قامتاماسىز ەتۋگە مۇمكىندىك بەرەدى»، - دەدى ە. قاراشوكەيەۆ.
سونىمەن قاتار ول ماۋسىمارالىق كەزەڭدە ونىممەن قامتاماسىز ەتۋدە پروبلەما بار ەكەنىن مويىندادى.
«نەگىزگى تاپشىلىق ءساۋىر-مامىر ايلارىندا بولادى. ماۋسىمارالىق كەزەڭدە حالىقتى ءوز ونىمدەرىمەن قامتاماسىز ەتۋ ءۇشىن مىناداي شارالار قابىلدانادى. بىرىنشىدەن، جىل سايىن ەرتە ءپىسىپ جەتىلەتىن داقىلداردىڭ الاڭى ۇلعايىپ كەلەدى. بىلتىرمەن سالىستىرعاندا ەرتە ءپىسىپ جەتىلەتىن كوكونىستەردىڭ ەگىس القابى 2،8 مىڭ گەكتارعا ءوستى جانە اكىمدىكتەردىڭ جەدەل دەرەكتەرى بويىنشا وسى جىلى 27 مىڭ گەكتاردى (2022 ج. – 24،3 مىڭ گەكتار) قۇرادى. ونىڭ ىشىندە كارتوپ ەگىستىگى 2،5 مىڭ گەكتارعا (2022 ج. – 10،6 مىڭ گەكتار)، قىرىققابات 150 گەكتارعا (2022 ج. – 8،2 مىڭ گەكتار)، پياز 100 گەكتارعا (2019 ج. – 3،3 مىڭ گەكتار) ۇلعايدى. ەكىنشىدەن، 2022 جىلدىڭ قورىتىندىسى بويىنشا جىلىجايلاردىڭ الاڭى 1،2 مىڭ گەكتاردى قۇرادى. جىلىجايدا وسىرىلەتىن قىزاناق پەن قياردىڭ جالپى ءونىمى 177،5 مىڭ تونناعا جەتتى»، - دەدى مينيستر.
ونىڭ سوزىنە قاراعاندا، كەيىنگى ءۇش جىلدا ونەركاسىپتىك جىلىجايلاردىڭ الاڭى 31،7 گەكتارعا ۇلعايدى جانە 2022 جىلدىڭ قورىتىندىسى بويىنشا 218،9 گەكتاردى قۇرادى، دەپ جازدى قازاقپارات.