1 ماۋسىمعا دەيىن 514 مىڭنان استام ادامعا اتاۋلى الەۋمەتتىك كومەك كورسەتىلدى، دەپ حابارلادى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
بيىل 98 مىڭ وتباسىنداعى 514،3 مىڭ ادامعا اتاۋلى الەۋمەتتىك كومەك تاعايىندالدى. وسى ماقساتقا بيۋدجەتتەن 73،9 ملرد تەڭگە ءبولىندى.
ااك وتباسىنىڭ ءاربىر مۇشەسىنە، جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
وسى جىلدىڭ 1 قاڭتارىنان باستاپ 1-6 جاستاعى بالالارعا بەرىلەتىن كەپىلدەندىرىلگەن الەۋمەتتىك توپتاما كومەكتىڭ تابيعي نىسانىنان، مونەتيزاسيالاۋ فورماتىنا، ياعني 1،5 اەك مولشەرىندە (5175 تەڭگە) قوسىمشا تولەم تۇرىنە اۋىستىرىلدى.
1 ماۋسىمداعى جاعداي بويىنشا ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 157،2 مىڭ بالاعا قوسىمشا تولەم تاعايىندالدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، اۋىل وكرۋگىنىڭ اكىمىنە سونداي-اق egov.kz ەلەكتروندى ۇكىمەت پورتالى ارقىلى بەرە الادى.