بيىل تاعى 55 ەلدى مەكەن گازبەن قامتىلادى. بۇل تۋرالى بۇگىن ۇكىمەت وتىرىسىندا ەنەرگەتيكا ءمينيسترى بولات اقشولاقوۆ ايتتى، -دەپ حابارلايدى اlmaty-akshamy.kz astanatv.kz-كە سىلتەمە جاساپ.
«گازداندىرۋدىڭ باس سحەماسىن قارجىلاندىرۋ بيۋدجەت قاراجاتى، گاز جانە گازبەن جابدىقتاۋ سالاسىنداعى ۇلتتىق وپەراتور – «قازاقگازدىڭ» كىرىسى جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە قارجى كوزدەرى ەسەبىنەن جۇزەگە اسىرىلادى. جوبالاردى بيۋدجەتتەن قارجىلاندىرۋدىڭ ۇلعايۋى گازبەن جابدىقتاۋ دەڭگەيىن 11 پايىزعا نەمەسە 2018 جىلدان باستاپ قوسىمشا 2،6 ملن ادامنىڭ گازعا قول جەتكىزۋىنە مۇمكىندىك بەردى»، - دەدى ول.
ءمينيستردىڭ دەرەگىنشە، بيىل 76 جوبانى ىسكە اسىرۋعا 73،9 ملرد تەڭگە قاراستىرىلعان.
«بۇل 160 مىڭ تۇرعىنى بار 55 ەلدى مەكەندى گازبەن قامتاماسىز ەتۋگە مۇمكىندىك بەرەدى. 2023 جىلدىڭ سوڭىندا ەل بويىنشا گازبەن جابدىقتاۋ 60 پايىز دەڭگەيىندە كۇتىلۋدە»، - دەدى بولات اقشولاقوۆ.