ورتاشا ءتۇسىم گەكتارىنا 13 سەنتنەر كولەمىندە اينالدى.
بۇل بىلتىرعىدان 30 پايىزعا كوپ. ءقازىردىڭ وزىندە ەلدىڭ ءبىرقاتار وڭىرىندە كۇزگى جيىن-تەرىم اياقتالدى، دەپ حابارلايدى Almaty-akshamy.kz.
جالپى، 18 ملن توننادان استام استىق جيناۋ جوسپارلانىپ وتىر. ەندىگى مىندەت – ءونىم ساپاسىن ءتۇسىرىپ الماۋ. ۇكىمەت باسشىسى جاۋاپتىلارعا استىقتىڭ ساپالى ساقتالۋىن قامتاماسىز ەتۋدى تاپسىردى. ول ءۇشىن اۋىل شارۋاشىلىعى مينيسترلىگى ءوڭىر اكىمدەرىمەن بىرلەسىپ شۇعىل ارەكەت ەتۋى كەرەك. ءارى كەلەر جىلعا قاجەتتى استىق تۇقىمىن دا ۇمىتپاعان ءجون.
«اۋىل شارۋاشىلىعى مينيسترلىگى ءوڭىر اكىمدەرىمەن بىرلەسىپ، استىق جيناۋ جۇمىستارىن تەز ارادا تولىقتاي اياقتاپ، استىقتىڭ ساپالى ساقتالۋىن قامتاماسىز ەتسىن. ءوڭىر اكىمدەرى ءونىمنىڭ استىق قويمالارىنا ۋاقتىلى قابىلدانۋىن تۇراقتى باقىلاۋدا ۇستاسىن. كەلەسى جىلعا قاجەتتى استىق تۇقىمىن تولىعىمەن قامتاماسىز ەتۋ كەرەك»، - دەدى ق ر پرەمەر-مينيسترى ءاليحان سمايىلوۆ.