65 067 ادام تۇماۋعا قارسى ەگىلدى.
الماتىدا تۇماۋعا قارسى ۆاكسينانىڭ 200 مىڭنان استام دوزاسى ساتىپ الىندى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ءمالىم ەتتى، دەپ حابارلايدى Almaty-akshamy.kz.
تەگىن ۆاكسينا ءبىرىنشى كەزەكتە قارتتار مەن جۇكتى ايەلدەرگە، ديسپانسەرلەردە ەم قابىلدايتىن جاندارعا بەرىلەدى. سونداي-اق بالالار ءۇيى مەن مەكتەپ-ينتەرناتتارىنا دا تەگىن تاراتىلادى.
ونىڭ ايتۋىنشا، بيىل جەرگىلىكتى بيۋدجەت ەسەبىنەن 130 مىڭ دوزا رەسەيلىك «گريپپول پليۋس» ۆاكسينا ساتىپ الىندى، قوسىمشا تاعى 80 مىڭ ەكپە جەتكىزىلەدى. بارلىعى - 210 مىڭ دوزا.
«22 قىركۇيەكتەگى جاعداي بويىنشا، الماتىدا 65 067 ادام تۇماۋعا قارسى ەگىلدى، بۇل قالا تۇرعىندارىنىڭ جالپى سانىنىڭ 3،0%-ىن قۇرايدى. ونىڭ ىشىندە 16 045 مەديسينا قىزمەتكەرى، 5 448 ءجيى اۋىراتىن جانە ديسپانسەرلىك ەسەپتە تۇرعان بالالار، 2 828 جۇكتى ايەل، 2 313 جابىق مەكەمەلەر كونتينگەنتى (قارتتار ءۇيى مەن بالالار ءۇيى)، 5 445 مەكتەپ وقۋشىسى، 25 203 سوزىلمالى اۋرۋى بار ەرەسەكتەر. جەكەمەنشىك مەديسينالىق ورتالىقتاردا اقىلى نەگىزدە 14 ادام ۆاكسينا سالدىردى»،- دەدى سپيكەر.
سپيكەردىڭ سوزىنشە، الماتىدا جرۆي، تۇماۋمەن اۋىراتىندارعا مەديسينالىق كومەك كورسەتۋ ءۇشىن 142 اۆتوكولىك ءبولىندى. سونداي-اق، اۋرۋحانالاردا ناۋقاستاردى ەمدەۋ ءۇشىن 444 ورىن قوسىمشا ءبولىنىپ وتىر.
ەپيدەميولوگيالىق ماۋسىمدا تۇماۋعا قارسى ەكپە سالاتىن جەكەمەنشىك التى مەديسينا ۇيىمى قىزمەت كورسەتەدى.