Digital Bridge – IT-يندۋستريانى دامىتۋدىڭ سوڭعى ترەندتەرى مەن كەلەشەگىن تالقىلاۋعا ارنالعان ورتالىق ازياداعى ەڭ ۇلكەن الاڭ.
بۇعان سۋ تاسقىنى سەبەپ بولدى، دەپ حابارلايدى Almaty-akshamy.kz سيفرلىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
فورۋم قىركۇيەك ايىنىڭ باسىندا استانادا ءوتۋى كەرەك ەدى.
"مەملەكەت باسشىسى قاسىم-جومارت توقايەۆتىڭ سۋ تاسقىنىنان بولعان ەلدەگى كۇردەلى جاعدايعا بايلانىستى ءىرى ءىس-شارالاردان باس تارتۋ تۋرالى تاپسىرماسىنا سايكەس وسى جىلدىڭ 5-7 قىركۇيەگىندە استانادا جوسپارلانعان Digital Bridge 2024 حالىقارالىق IT فورۋمىن وتكىزۋدەن باس تارتۋ تۋرالى شەشىم قابىلداندى"، - دەلىنگەن حابارلامادا.
بيىل التىنشى رەت ءوتۋى ءتيىس Digital Bridge 2018 جىلى باستالىپ، ورتالىق ازياداعى IT سالاسىنىڭ دامۋىنداعى سوڭعى ترەندتەر مەن كەلەشەگىن تالقىلايتىن ەڭ ۇلكەن الاڭعا اينالدى. 2020 جىلى دا فورۋم الەمدى جايلاعان COVID-19 پاندەمياسىنا بايلانىستى وتكىزىلمەگەن.
بيىل كوكتەمگى سۋ تاسقىنى قازاقستاندا سوڭعى 80 جىلداعى ەڭ ءىرى تابيعي اپاتقا اينالدى.
"وسىعان بايلانىستى، اۋقىمدى زالالدىڭ سالدارىن جويۋ جانە ەل ازاماتتارىنا كومەك كورسەتۋ ءۇشىن قارجىنى ۇنەمدەۋ ماقساتىندا مەملەكەت باسشىسى ۇكىمەتكە جوسپارلانعان يميدجدىك جانە باسقا دا ءىرى ءىس-شارالاردان باس تارتۋدى تاپسىردى"، - دەلىنگەن ۆەدومستۆو حابارلاماسىندا.
Digital Bridge ۇيىمداستىرۋشىلارى – قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى جانە Astana Hub حالىقارالىق تەحنوپاركى فورۋمعا قاتىسۋعا نيەت بىلدىرگەندەردىڭ بارلىعىنا العىسىن بىلدىرەدى. جاعداي تۇراقتانعان سوڭ، Digital Bridge حالىقارالىق IT فورۋمى 2025 جىلى جۇمىسىن جالعاستىرادى.