بجزق فيليالىنا نەمەسە قوردىڭ سايتى ارقىلى ءوتىنىش بەرۋى قاجەت.
ءبىرىڭعاي جيناقتاۋشى زەينەتاقى قورى (بجزق) 2023 جىلى كىمنىڭ تولەم الۋعا قۇقىلى ەكەنىن ايتتى، دەپ حابارلايدى Almaty-akshamy.kz
2023 جىلعى 1 قاڭتاردان باستاپ بجزق-دان بەلگىلەنگەن كەستە بويىنشا مىندەتتى زەينەتاقى جارنالارى جانە مىندەتتى كاسىپتىك زەينەتاقى جارنالارى ەسەبىنەن زەينەتاقى تولەمدەرىن الۋعا مىنالار قۇقىلى:
ايەلدەر 61 جاسقا تولعان كەزدە (بۇل جاس شەگى 2028 جىلعا دەيىن جارامدى)؛
ەرلەر 63 جاسقا تولعاندا؛
ەگەر مۇگەدەكتىك مەرزىمسىز بەلگىلەنسە، ءبىرىنشى نەمەسە ەكىنشى توپتاعى مۇگەدەكتىگى بارلار.
بۇل بازالىق جانە ءبىرتۇتاس بجزق ەسەبىنەن قارجىلاندىرىلاتىن، مەملەكەتتىك زەينەتاقىنى قامتيتىن تولەمدەردى تاعايىنداۋ ءۇشىن جاسى بويىنشا زەينەتكەرلەرگە «ازاماتتارعا ارنالعان ۇكىمەت» مەملەكەتتىك كورپوراسياسىنىڭ بولىمشەلەرىنە ءبىر وتىنىشپەن جانە قۇجاتتار پاكەتىمەن جۇگىنۋ جەتكىلىكتى.
ءبىرىنشى نەمەسە ەكىنشى توپتاعى مۇگەدەكتىگى بارلار بجزق فيليالىنا نەمەسە قوردىڭ سايتى ارقىلى ءوتىنىش بەرۋى قاجەت.
جەكە كابينەتتەن «قىزمەتتەر» ءبولىمىن تاڭداۋ كەرەك. ءارى قاراي «زەينەتاقى تولەمدەرىن تاعايىنداۋعا ءوتىنىش بەرۋ». وندا ءسىز قاجەت قۇجاتتاردىڭ تولىق ءتىزىمىن تابا الاسىز.
بجزق-دان زەينەتاقى تولەمدەرى ءوتىنىش بەرگەن كۇننەن باستاپ بەلگىلەنەدى جانە زەينەتاقى جيناقتارى تاۋسىلعانعا دەيىن جۇرگىزىلەدى.
بۇل رەتتە زەينەتاقى تولەۋگە ءوتىنىش بەرگەن كۇن:
زەينەتكەرلىك جاسقا تولعان الۋشىلار ءۇشىن – ءوتىنىش مەملەكەتتىك كورپوراسيادا تىركەلگەن كۇن نەمەسە بجزق-دان زەينەتاقى تولەمدەرىنە قۇقىق تۋىنداعان كۇن؛
ءبىرىنشى نەمەسە ەكىنشى توپتاعى مۇگەدەكتىگى بار الۋشىلار ءۇشىن بجزق قۇجاتتاردى جەتكىزگەن نەمەسە قابىلداعان كۇنى.