ءتارتىپ ساقشىلارى ايەل ادامداردىڭ جۇرەگىن جاۋلاعىش الاياقتى ۇستادى.
قاسكويدىڭ كىناسىنەن 4 ميلليون تەڭگەسىن جوعالتقان جابىرلەنۋشىلەردىڭ ءبىرى قىلمىسكەردى قولعا تۇسىرگەنى ءۇشىن پوليسياعا شەكسىز العىسىن ءبىلدىردى. بۇل تۋرالى ول ءوز العىس حاتىندا جازدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«المالى اۋداندىق پب-عا قاراستى پب كپب باستىعى ماقسات قايراتوۆ پەن ونىڭ قاراماعىنداعىلاردىڭ كەلىسىلگەن جانە ناقتى ارەكەتتەرىنىڭ جانە 18 كۇن بويى كۇدىكتىنى ۇستاۋ بويىنشا جۇرگىزىلگەن جەدەل ىزدەستىرۋ ءىس-شارالارىنىڭ ارقاسىندا مۇمكىن بولدى. سونداي-اق قاشقىننىڭ ورنالاسقان جەرىن انىقتاۋ ءۇشىن بارلىق وزىق IT-مۇمكىندىكتەرىن پايدالانعان الماتى قالالىق پد كپب “ك” ءبولىمىنىڭ باسشىسى يگور پۋدوۆكينگە جانە وسى ءبولىمنىڭ قىزمەتكەرى باقتيار دۇيسەنگە ەرەكشە العىسىمدى بىلدىرەمىن. قايراتوۆ جۇرگىزگەن وسى شارالاردىڭ ارقاسىندا كۇدىكتى ۇستالدى. الماتى قالاسىنىڭ پوليسيا باسشىلىعىنا، المالى اۋداندىق پب-عا قاراستى پب-نىڭ قىزمەتكەرلەرى مەن “ك” بولىمشەسىنىڭ ماماندارىنىڭ كاسىبي جانە ادامي قاسيەتتەرىن جەتكىزۋدى ازاماتتىق بورىشىم دەپ سانايمىن. ءسىزدىڭ قول استىڭىزداعىلاردىڭ اراسىندا وسىنداي قىزمەتكەرلەردىڭ كوپ بولۋىن شىن جۇرەكتەن تىلەيمىن»، – دەدى ول.