جاتاقحانا تاپشىلىعى 55 مىڭ ورىندى قۇرايدى
بيىل الماتىدا ستۋدەنتتەرگە ارنالعان 10 جاتاقحانا اشىلادى. ونىڭ ۇشەۋى جاڭادان سالىنسا، قالعان جەتەۋى پايدالانۋ ماقساتىن وزگەرتە الاتىن بيزنەس عيماراتتار بولادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بيىل جاتاقحانا تاپشىلىعى 55 مىڭ ورىندى قۇرايدى. بىلتىر بۇل كورسەتكىش 87 مىڭعا جەتكەن ەدى. ءبىلىم الۋعا كەلگەن ستۋدەنتتەردىڭ تۇراتىن جەر تاپپاي، ساندالعانى دا راس. ءوز كەزەگىندە مينيستر ساياسات نۇربەك بىلىمگەرلەرگە جاعداي جاساۋ ءۇشىن كوپتەگەن جۇمىستار جۇرگىزىلىپ ءجاتۇانىن ايتتى. سوزىنشە، ستۋدەنتى كوپ الماتىدا نىساندار سالۋ جانە بيزنەس ورتالىقتارى مەن قوناق ۇيلەردى، حوستەلدەردى جاتاقحاناعا اينالدىرۋ جوباسى جۇزەگە اسۋدا.
– مينيسترلىكتىڭ «قارجى» ورتالىعىمەن كەلىسىمى بويىنشا جاتاقحانا سالۋعا دايىن قۇرىلىس كومپانيالارىنا 230 ايلىق ەسەپتىك كورسەتكىش مولشەرىندە وتەماقى تولەنەدى. نىساندى قايتا قۇرۋدىڭ تاعى ءبىر سحەماسىن قاراستىرىپ قويدىق. كاسىپكەرلەرگە دە جەكە عيماراتتاردى ستۋدەنتتەر ءۇيى رەتىندە قولدانۋعا بەرگەن ءتيىمدى. وعان دا قاراجات قاراستىرىلعان. مەنىڭ ويىمشا، بۇل – ورىن تاپشىلىعى ماسەلەسىن جىلدام شەشۋدىڭ وڭتايلى جولى، – دەدى ق ر عىلىم جانە جوعارى ءبىلىم ءمينيسترى ساياسات نۇربەك
بۇگىندە الماتىداعى ۋنيۆەرسيتەتتەردە جالپى 188 مىڭنان استام ستۋدەنت بار. سونىڭ 23 مىڭى رەسپۋبليكانىڭ وزگە وڭىرىنەن كەلگەن.
– الماتىداعى 35 جوعارى وقۋ ورنىندا جالپى 96 جاتاقحانا بار. ءقازىر وندا 30 مىڭ ستۋدەنت تۇرادى. مالىمەتكە سۇيەنسەك، توسەك-ورىن تاپشىلىعى 32 مىڭدى قۇرايدى، – دەدى جاستار ساياساتى باسقارماسىنىڭ باسشىسى قايىرجان مەڭدىعالييەۆ.
الماتىدا جاتاقحانا قۇرىلىسىنا قاتىستى جوبالىق كەڭسە دە قۇرىلعان. وندا كاسىپكەرلەر مەن وقۋ ورىندارىنىڭ قىزمەتكەرلەرى مينيسترلىكتەن نەمەسە اكىمدىك وكىلدەرىنەن كەڭەس الا الادى. مامانداردىڭ ويىنشا، بۇل باستامالار جاتاقحانا تاپشىلىعى ماسەلەسىن 2025 جىلعا دەيىن شەشۋگە ىقپال ەتەدى.