قالا اكىمى باقىتجان ساعىنتايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا حابارلاعانداي، مەگاپوليستە مەكتەپكە دەيىنگى مەكەمەلەر مەن مەكتەپتەردىڭ قۇرىلىسى قارقىندى ءجۇرىپ جاتىر، دەپ حابارلايدى اlmaty-akshamy.kz
قازىرگى كەزدە قالادا 1 جاستان 6 جاسقا دەيىنگى بالالاردىڭ 64،2%-ى جانە 3 جاستان 6 جاسقا دەيىنگى بالالاردىڭ 90،6%-ى مەكتەپكە دەيىنگى تاربيەمەن قامتىلعان. بۇل رەتتە 1 جاستان 6 جاسقا دەيىنگى 41 مىڭنان استام بالا مەكتەپكە دەيىنگى ۇيىمدارعا كەزەكتە تۇر.
وسى پروبلەمانى كەزەڭ-كەزەڭىمەن شەشۋ ءۇشىن اعىمداعى جىلى 4 658 ورىندىق 72 جەكەمەنشىك مەكتەپكە دەيىنگى ۇيىم اشىلدى. ونىڭ ىشىندە 67-دە 4 378 ورىنعا مەملەكەتتىك ءبىلىم بەرۋ تاپسىرىسى ورنالاستىرىلعان. اعىمداعى جىلدىڭ سوڭىنا دەيىن 250 ورىندىق تاعى 5 جەكەمەنشىك مەكتەپكە دەيىنگى ۇيىم اشۋ جوسپارلانۋدا.
بيىلعى جىلى جەكە مەنشىك بالاباقشالاردا ورنالاستىرىلاتىن مەملەكەتتىك ءبىلىم بەرۋ تاپسىرىسى دا ۇلعايتىلدى. بۇگىنگى تاڭدا مەملەكەتتىك تاپسىرىس 30 460 ورىندى 519 جەكەمەنشىك بالاباقشاعا ورنالاستىرىلعان. قالادا 360 ورىندى ءۇش مەملەكەتتىك بالاباقشانىڭ قۇرىلىسى اياقتالدى. بۇل رەتتە، ەكەۋى ناۋرىزباي اۋدانىنداعى اقجار مەن تاۋسامالى شاعىن اۋداندارىندا جانە بىرەۋى بوستاندىق اۋدانىندا سالىنۋدا.تۇركسىب اۋدانىندا 280 ورىندى بالاباقشا قۇرىلىسى جالعاسۋدا.
سونىمەن قاتار، اۋەزوۆ اۋدانىنداعى "اقساي-4" شاعىناۋداندا 315 ورىندى بالاباقشا اشۋ جوسپارلانۋدا. ول جالداۋ مەرزىمى اياقتالعاننان كەيىن قايتارىلدى. جەلتوقسان ايىندا بالالاردى قابىلداۋ جوسپارلانعان.
ورتا ءبىلىم بەرۋ سالاسىندا قازىرگى كەزدە الماتىدا 291 مەكتەپ جۇمىس ىستەيدى، ونىڭ 207ء-ى مەملەكەتتىك. بۇلاردا بارلىعى 303 110 وقۋشى وقيدى، بۇل وتكەن وقۋ جىلىمەن سالىستىرعاندا 12 مىڭنان استام وقۋشىعا ارتىق. بۇگىندە وقۋشى ورىندارىنىڭ تاپشىلىعى – 33 812.
وسى ماسەلەنى شەشۋ ءۇشىن «قادامدىق قولجەتىمدىلىك» قاعيداتىن ەسكەرە وتىرىپ، 12 600 ورىنعا ارنالعان 8 مەملەكەتتىك مەكتەپتىڭ قۇرىلىسى جۇرگىزىلۋدە، ونىڭ ىشىندە 5 100 ورىنعا ارنالعان 3 مەكتەپ اعىمداعى جىلدىڭ جەلتوقسان ايىندا پايدالانۋعا بەرىلەدى.
8 263 ورىندىق مەكتەپتەردە 17 جاڭا كورپۋستىڭ قۇرىلىسى جالعاسۋدا. بۇل رەتتە 4 600 ورىندىق 11 كورپۋس بويىنشا قۇرىلىس-مونتاج جۇمىستارى اياقتالدى، قالعان 6 (3 663 ورىن) اعىمداعى جىلدىڭ سوڭىنا دەيىن اياقتالادى. جەكە ينۆەستيسيالار ەسەبىنەن جاڭا وقۋ جىلىنىڭ باسىندا 2 656 ورىندىق 13 جەكەمەنشىك مەكتەپ اشىلدى.
اعىمداعى جىلدىڭ سوڭىنا دەيىن وسى شارالار ەسەبىنەن 16 019 جاڭا وقۋشى ورنىن قۇرۋ جانە ورىن تاپشىلىعىن 47%-عا تومەندەتۋ جوسپارلانۋدا.