ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى اكىمى باقىتجان ساعىنتايەۆ قالادا اۋرۋحانالار سالىنىپ، مەديسينالىق كادرلاردىڭ دايارلانعانى تۋرالى حابارلادى.
بۇگىنگى تاڭدا دەنساۋلىق ساقتاۋ نىساندارى بويىنشا جابدىقتاۋ كورسەتكىشى 91،5%-دى قۇرايدى، انەستەزيولوگيا، رەانيماسيا جانە قارقىندى تەراپيا بولىمشەلەرىنىڭ جاراقتاندىرىلۋى 100%-عا دەيىن جەتكىزىلدى، دەپ حابارلايدى Almaty-akshamy.kz
جەدەل مەديسينالىق جاردەم جۇمىسى جاقساردى. ءۇش جاڭا قوسالقى ستانسيا سالىندى. بريگادالار سانى ەكى ەسەگە ارتتى. اۆتوپارك 70%-عا جاڭارتىلدى.
تۇڭعىش پرەزيدەنت – ەلباسى ن. نازاربايەۆتىڭ تاپسىرماسى بويىنشا اعىمداعى جانە ىقتيمال ەپيدەميولوگيالىق قاتەرلەرگە دەن قويۋ بويىنشا ەلدىڭ عىلىمي-مەديسينالىق الەۋەتىن شوعىرلاندىرۋ ماقساتىندا الماتىدا ينفەكسيالىق اۋرۋلاردىڭ كوپبەيىندى عىلىمي-زەرتتەۋ ورتالىعىنىڭ قۇرىلىسى باستالدى. سونداي-اق، 3 ەمحانا، 9 وتباسىلىق-دارىگەرلىك امبۋلاتوريا، 2 مودۋلدىك كت-ورتالىعىنىڭ قۇرىلىسى باستالدى.
اعىمداعى جىلى الاتاۋ جانە ناۋرىزباي اۋداندارىندا ءۇش ەمحانا، 9 وتباسىلىق-دارىگەرلىك امبۋلاتوريا، ەكى ءمودۋلدى كت-ورتالىعىنىڭ قۇرىلىسى باستالدى.
بالالارعا شۇعىل كومەك كورسەتۋ ورتالىعىنىڭ جانە №2 بجكب قوسالقى كورپۋستارىنىڭ قۇرىلىسى، پاللياتيۆتىك كومەك ورتالىعى بار جاڭا ونكولوگيالىق ورتالىقتىڭ جانە مەدەۋ اۋدانىندا كوپبەيىندى ستاسيوناردىڭ قۇرىلىسى جۇرگىزىلۋدە.
250 توسەك-ورىندىق بالالاردى وڭالتۋ ورتالىعىن جانە 50 توسەكتىك ەرتە ارالاسۋ ورتالىعىن ورنالاستىرۋ ءۇشىن بۇرىنعى «الماتى تەمىر جول اۋرۋحاناسىن» قايتا جاڭارتۋ جانە كۇردەلى جوندەۋ جوسپارلانۋدا.
مەديسينا كادرلارىنىڭ تاپشىلىعىن تومەندەتۋ ءۇشىن اعىمداعى جىلى رەزيدەنتتەردى اسا تاپشى مەديسينالىق ماماندىقتار بويىنشا وقىتۋعا 120 گرانت ءبولىندى. مەديسينالىق كوللەدجدە وقۋعا 391 گرانت ءبولىندى.
الماتى قالاسىنىڭ مەديسينالىق ۇيىمدارىندا 26 808 قىزمەتكەر جۇمىس ىستەيدى، ونىڭ ىشىندە 6 343 دارىگەر، 13 232 ورتا مەديسينالىق قىزمەتكەر، 3 872 كىشى مەديسينالىق پەرسونال جانە باسقا دا پەرسونال - 3 361 ادام. سونداي-اق، كۆي دەرتى ورشىگەن جاعدايدا ينفەكسيالىق ستاسيونارلاردا جۇمىس ىستەيتىن مەديسينا كادرلارىنىڭ رەزەرۆى دايىن.