جالپىعا بىردەي دەكلاراسيالاۋ 4 كەزەڭنەن تۇرادى
ەلىمىزدە جالپىعا بىردەي دەكلاراسيانى تاپسىرۋ مەرزىمى قاعاز جۇزىندە 15 شىلدەدە اياقتالادى. ال ەلەكتروندى نۇسقاسى 15 قىركۇيەككە دەيىن قابىلدانادى. بيىل الماتى قالاسى بويىنشا 37 مىڭنان اسا دەكلاراسيا قابىلداندى، دەپ حابارلايدى Almaty-akshamy.kz Almaty.tv-گە سىلتەمە جاساپ.
جالپىعا بىردەي دەكلاراسيالاۋ 4 كەزەڭنەن تۇرادى:
1. مەملەكەتتىك قىزمەتكەرلەر، لاۋازىمدى تۇلعالار جانە ولاردىڭ جۇبايلارى؛
2. كۆازيمەملەكەتتىك سەكتور قىزمەتكەرلەرى جانە مەملەكەتتىك مەكەمەلەردىڭ قىزمەتكەرلەرى؛
3. زاڭدى تۇلعالاردىڭ قۇرىلتايشىلارى، باسشىلارى جانە جەكە كاسىپكەرلەر؛
4. دەكلاراسيا حالىقتىڭ قالعان ساناتتارىمەن ۇسىنىلادى.
«ازاماتتارعا دەكلاراسيالاردى تاپسىرۋدى ىڭعايلى ەتۋ ماقساتىندا مەملەكەتتىك كىرىستەر كوميتەتى ە-salyq ازامات قوسىمشاسىن جاساپ شىعاردى.وسى ە-salyq قوسىمشاسى ارقىلى ۇيالى تەلەفونمەن دەكلاراسيانى تاپسىرۋعا بولادى. بىلتىر مەملەكەتتىك قىزمەتكەرلەر 250 نىساندى تاپسىرسا، بيىلدان باستاپ 270 نىسان دەكلاراسيا تاپسىرادى»، – دەدى مەملەكەتتىك كىرىستەر دەپارتامەنتى وندىرىستىك ەمەس تولەمدەر باسقارماسىنىڭ باسشىسى قۋانىش تۇمەنبايەۆ.
سونداي-اق ساراپشى ماقسات حالىقتىڭ ايتۋىنشا، جالپىعا بىردەي دەكلاراسيا سالىقتان جالتارىپ ءھام تابىسىن جاسىرىپ جۇرگەندەردى انىقتاۋعا مۇمكىندىك بەرەدى.
«نەگىزى حالىق ءاربىر تاۋىپ جاتقان تابىسى جونىنەن ەسەپ بەرۋ قاجەت دەگەن. بۇل نە ءۇشىن قاجەت؟ حالىقتىڭ تابىسىن قانداي دارەجەدە ەكەنىن انىقتاۋ ءۇشىن كەرەك. سوندىقتان دا مەن ويلايمىن حالىقتىڭ باسىم كوپشىلىگىنە ونىڭ كەرى اسەرى بولمايدى. بۇل جەردە تابىسىن جاسىرىپ جۇرگەن 10 پايىز دەڭگەيىندەگى ادامدار بار»، – دەدى ەكونوميست ماقسات حالىق.
قانداي جولمەن تابىس تاپساڭىز دا، ءبارىن دەكلاراسيادا جازۋعا مىندەتتىسىز. ال كەيبىرىن جاسىرىپ قالعان بولساڭىز، باسىڭىز داۋعا قالادى. دەكلاراسيادا كورسەتىلگەننەن ارتىق تابىسىڭىز بولعانى انىقتالسا، ونىڭ 10 پايىزىنان سالىق تولەيسىز. ونى تاپسىرۋ مەرزىمىن بۇزساڭىز 45 مىڭ تەڭگە ايىپپۇل ارقالايسىز.