اۆتوكولىكتىڭ ەسىگىنىڭ اشىق ەكەنىن بايقاپ، بەس مىڭ تەڭگە اقشانى ۇرلاپ كەتكەن
جۋىردا ە. ەسىمدى ازامات قازاقستان رەسپۋبليكاسى قك-نىڭ 188-بابىنىڭ 3- بولىگىنىڭ 3-تارماعىمەن كىنالى دەپ تانىلىپ، ەكى جىل باس بوستاندىعىن شەكتەۋ جازاسى تاعايىندالعان، دەپ حابارلايدى Almaty-akshamy.kz.
قىزىلوردا وبلىسى بويىنشا قاجد باسپا ءسوز قىزمەتىنىڭ مالىمەتىنشە، جازا وتەۋىنىڭ بۇكىل مەرزىمى ىشىندە جىل سايىن 100 ساعاتتان اسپايتىن ءماجبۇرلى ەڭبەك تاعايىندالىپ، پروباسيالىق باقىلاۋ بەلگىلەنگەن.
ءوزىنىڭ ايتۋىنشا كوشەدە تۇرعان اۆتوكولىكتىڭ ەسىگىنىڭ اشىق ەكەنىن بايقاپ، بەس مىڭ تەڭگە اقشانى ۇرلاپ كەتكەن.
قازىرگى تاڭدا ول ءوزىنىڭ تۇرعىلىقتى جەرى بويىنشا جەرگىلىكتى اتقارۋشى ورگانى بەلگىلەگەن ورىندا ءماجبۇرلى تۇردە كۇنىنە 4 ساعاتتان اسپايتىن ۋاقىتتا تازالىق جانە كوگالداندىرۋ جۇمىستارىمەن اينالىسۋدا.
قىزىلوردا قالالىق پروباسيا ەسەبىندە 500-دەن استام سوتتالعان ەسەپتە بولسا، پروباسيا قىزمەتىنىڭ ينسپەكتورى ادىلەت كاپيتانى جادىرا يسمايلوۆانىڭ وندىرىسىندە 25 سوتتالعان. ادىلەت كاپيتانى ج.يسمايلوۆا ءوز وندىرىسىندەگى سوتتالعانداردىڭ قايتا قىلمىسقا بارماۋى،سوت جۇكتەگەن مىندەتتەردى ورىنداۋى تۇرعىسىندا پروفيلاكتيكالىق جۇمىستار جۇرگىزەدى. ونىڭ ايتۋىنشا وندىرىسىندەگى 25 سوتتالعاننىڭ 3-ەۋى ءماجبۇرلى ەڭبەككە تارتىلعان، كۇندەلىكتى وسى ءماجبۇرلى ەڭبەككە تارتىلعان سوتتالعانداردى جۇمىس ورنىنان تەكسەرىس جۇمىستارى جۇرگىزىلەدى.