قوعامدىق كەڭىستىكتى جاڭارتۋ جۇمىستارى جالعاسۋدا.
اۋدان حالقىمەن كەزدەسكەن مەگاپوليس باسشىسىنىڭ ايتۋىنشا، جايلى قالالىق ورتانى قۇرۋ ماقساتىندا اكىمدىك 2023 جىلى المالى اۋدانىنىڭ 77 اۋلاسىن رەتكە كەلتىرەدى، دەپ حابارلايدى Almaty-akshamy.kz
قوعامدىق كەڭىستىكتى جاڭارتۋ جۇمىستارى جالعاسۋدا. مامىر ايىندا كۇلاش بايسەيىتوۆا اتىنداعى جاياۋ جۇرگىنشىلەر كوشەسىندە وتكەن جىلى باستالعان جوندەۋ جۇمىستارى اياقتالادى. بيىلعى جىلدىڭ ءبىرىنشى جارتىجىلدىعىندا ءاليا مەن مانشۇك سكۆەرىن رەكونسترۋكسيالاۋ جۇمىستارى جانە تاعى التى سكۆەر مەن دۇيسەنوۆ كوشەسىندەگى جاياۋ جۇرگىنشىلەر كوشەسىن جاڭعىرتۋ مەن كوگالداندىرۋ جۇمىستارى باستالادى.
2022 جىلى «حالىق قاتىساتىن بيۋدجەت» باعدارلاماسى بويىنشا اۋداندا 800 ملن. تەڭگەگە 39 جوبا ورىندالدى. 2023 جىلى تۇرعىنداردىڭ وتىنىشتەرى بويىنشا ەڭ كوپ داۋىس جيناعان 17 جوبا ىسكە اسىرىلاتىن بولادى.
«حالىق قاتىساتىن بيۋدجەت» باعدارلاماسىنىڭ تيىمدىلىگىن ەسكەرە وتىرىپ، مەن وسى جوبالاردى ىسكە اسىرۋعا بيىل قالانىڭ بارلىق سەگىز اۋدانىنا قوسىمشا 7 ملرد تەڭگە ءبولۋ تۋرالى شەشىم قابىلدادىم»، - دەدى قالا باسشىسى بۇگىنگى كەزدەسۋدە.