7 800 ورىندىق جاڭا بەس مەكتەپ سالىنادى.
الاتاۋ اۋدانىنداعى مەكتەپتەردەگى ورىن تاپشىلىعىن ازايتۋ ءۇشىن بيىل جىلدىڭ سوڭىنا دەيىن الاتاۋ اۋدانىندا 7 800 ورىندىق 5 جاڭا مەكتەپ سالىنادى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.
«سونداي-اق، ءبىز "سايالى-2" جانە "زەردەلى" شاعىناۋداندارىندا ءارقايسىسى 550 ورىندىق تاعى 2 مەكتەپتىڭ قۇرىلىسىن باستاۋدى جوسپارلاپ وتىرمىز. بۇگىن "سايالى-2" بويىنشا مەردىگەر ۇيىمدى انىقتاۋ ءۇشىن كونكۋرس جاريالاندى. قۇرىلىس جۇمىستارى قىركۇيەك ايىندا باستالىپ، 2023 جىلدىڭ قاراشا ايىندا اياقتالادى»،- دەدى ەربولات دوسايەۆ.
اكىمنىڭ ايتۋىنشا، "زەردەلى" شاعىناۋدانى بويىنشا جوبالاۋ-سمەتالىق قۇجاتتاما وسى جىلدىڭ قىركۇيەك ايىندا اياقتالادى. جۇمىستاردى 2023 جىلدىڭ ناۋرىزىندا باستاپ، 2024 جىلدىڭ تامىز ايىندا اياقتاۋ كوزدەلىپ وتىر.