مەديسينالىق قىزمەت كورسەتۋ ساپاسى ارتادى
الماتى قالاسىنىڭ اكىمى ەربولات دوسايەۆ الاتاۋ اۋدانى تۇرعىندارىمەن كەزدەسۋى بارىسىندا دەنساۋلىق ساقتاۋ سالاسىنىڭ دامۋى جايلى كەڭىنەن توقتالدى، دەپ حابارلايدى Almaty-akshamy.kz
«مەديسينالىق قىزمەت كورسەتۋ ساپاسىن جاقسارتۋ ماقساتىندا جانە ەمحانالاردىڭ ءار تۇرعىنعا جاقىن ورنالاسۋى ءۇشىن بيىل سايالى شاعىن اۋدانى مەن قاراسۋ شاعىن اۋدانىندا كۇنىنە 200 ادامدى قابىلدايتىن دارىگەرلىك امبۋلاتوريا سالىنباق. بۇگىنگى تاڭدا قۇرىلىس-مونتاجداۋ جۇمىستارىن جۇرگىزەتىن كومپانيالاردى انىقتاۋعا بايقاۋ جاريالاندى. قۇرىلىس وسى جىلدىڭ قىركۇيەك ايىندا باستالىپ، 2023 جىلدىڭ ماۋسىمىندا اياقتاۋدى جوسپارلاپ وتىرمىز. بۇگىندە الاتاۋ اۋدانىندا كوپسالالى اۋرۋحانا جوق. الماتى قالاسىنىڭ اكىمى الاتاۋ اۋدانىندا كوپسالالى اۋرۋحانا سالۋعا شەشىم قابىلدادى» - دەدى ەربولات دوسايەۆ.
قالا باسشىسى ءمالىم ەتكەندەي، مۇندا پەرزەنتحانا، دياگنوستيكالىق جانە وڭالتۋ ورتالىقتارى بولادى. كەلەسى جىلى كوپسالالى اۋرۋحانانىڭ جوبالاۋ-سمەتالىق قۇجاتتاماسى جاسالادى. ححح