جىل باسىنان بەرى قازاقستاندا 71 ادام سۋعا باتىپ كەتتى. ونىڭ 23ء-ى بالالار. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا وتكەن باسپا ءسوز ءماسليحاتى بارىسىندا الماتى قالاسى تجد ازاماتتىق قورعانىس باسقارماسىنىڭ باستىعى ءانۋار يۋسۋپوۆ مالىمدەدى، دەپ حابارلايدى قازاقپارات ءتىلشىسى.
«جىل باسىنان بەرى رەسپۋبليكانىڭ سۋ ايدىندارىندا 71 ادام سۋعا باتىپ كەتتى، ونىڭ ىشىندە 23 بالا بار. شومىلۋ ماۋسىمىنىڭ باسىنان بەرى 35 ادام سۋعا كەتتى، ونىڭ 17ء-سى بالالار»،- دەدى ءانۋار يۋسۋپوۆ.
سپيكەردىڭ سوزىنشە، الماتى قالاسىندا 44 سۋ ايدىنى بار، ولاردىڭ 12ء-سى شومىلۋعا ءقاۋىپتى.
«سۋداعى جازاتايىم وقيعالاردىڭ الدىن الۋ ماقساتىندا رەيدتىك ءىس-شارالار جۇرگىزۋدە. بۇگىنگى تاڭدا 100-دەن استام رەيد جۇرگىزىلىپ، 1600-دەن استام جادىناما تاراتىلدى. رەيدتەرگە ەسكەرتۋ ماشيناسى مەن ۇشاتىن درون تارتىلادى. بۇل دروننىڭ بىرەگەيلىگى-ول تەك جاعدايدى باقىلاپ قانا قويمايدى، سونىمەن قاتار تىيىم سالىنعان جەرلەردە شومىلعىسى كەلەتىندەردى ەسكەرتۋ ءۇشىن داۋىس زورايتقىشتى قولدانا الادى»،- دەدى ول.
سۋدى پايدالانۋ ەرەجەلەرىن بۇزعانى ءۇشىن ق ر اقبتك-نىڭ 364-بابى بويىنشا 12 ادام اكىمشىلىك جاۋاپقا تارتىلدى.