بيىل 4000 قازاقستاندىق قاجىلىق ساپارعا اتتاندى. بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى Jibek Joly تەلەارناسىنىڭ «ەركىن سۇحبات» جوباسىندا ءمالىم ەتتى، دەپ حابارلايدى Almaty-akshamy.kz.
«بيىل، 4000 وتانداسىمىز قاجىلى ساپارعا اتتاندى. ءوزىم دە، اللا قالاسا، قاجىلىققا بارۋعا نيەت قىلىپ وتىرمىن. 18 تۋريستىك فيرما وسى ىسپەن اينالىسىپ جاتىر. وسى 4000 وتانداسىمىزدىڭ قاجىلىققا امان بارىپ، امان ورالۋىن ءناسىپ ەتسىن»، - دەدى قمدب ءتوراعاسى.
سونداي-اق، باس ءمۇفتي قۇربان ايت كەزىندە مال باعاسىنىڭ قىمباتتايتىنى تۋرالى پايىمىن ايتتى.
«قۇربان ايت كۇنى مالدى ساتۋشى ادام دا الۋشىعا قيىندىق جاساماي، بارىنشا قولداۋ بىلدىرسە، ونىڭ بەرەكەسى بولادى. سوندىقتان قۇرباندىق كەزىندە مال ساۋداسىندا جۇرگەن ادامدارعا بارىنشا ساۋاپ الىپ قالۋعا تىرىسىڭىزدار دەپ ايتار ەدىم. ساتۋشى ادام دا شالىنعان قۇرباندىقتىڭ ساۋابىنا سەرىك بولا الادى. قازاقستان مۇسىلماندارى ءدىني باسقارماسى وسى جىلدى يسلام جانە ىزگى قوعام جىلى دەپ جاريالادى. سوندىقتان ءبارىمىز ءوزىمىزدى ىزگىلىككە تاربيەلەسەك دەر ەدىم. مال ساتۋشى ادام، مالدى ساتىپ الۋشى ادام، قۇربان شالۋشى ادام، قۇرباندىققا ەتىن بەرەتىن ادام، ءتىپتى ەتتى قۇرباندىقتان الاتىن ادامدار دا ىزگىلىكتى ۇستانسا ءجون»، - دەدى ناۋرىزباي قاجى تاعان ۇلى.