بۇل ق ر توتەنشە جاعدايلار ءمينيسترى يۋريي ءيليننىڭ مالىمەتى.
اجالى سۋدان بولعانداردىڭ جالپى سانى 405 ادام، دەپ حابارلايدى Almaty-akshamy.kz
«ەلىمىزدە حالىقتىڭ شومىلۋ، دەمالۋ جانە بالىق اۋلاۋ ءۇشىن پايدالاناتىن 50 مىڭنان استام سۋ ايدىنى بار. وسى سۋ ايدىنىنىڭ از عانا بولىگى باقىلانادى جانە ءبىزدىڭ بولىمشەلەرىمىزدىڭ جاۋاپكەرشىلىك ايماعىندا ورنالاسقان. شومىلۋ ماۋسىمىندا ب ا ق ارقىلى حالىقپەن الدىن الۋ جۇمىستارى جانداندىرىلادى، سۋ ايدىندارىنداعى دەمالىس ورىندارىندا رەيدتەر، پاترۋلدەۋ جۇرگىزىلەدى، سۋ ايدىندارىنىڭ جەكەلەگەن ۋچاسكەلەرىندە ءموبيلدى قۇتقارۋ بەكەتتەرى قويىلادى. شومىلۋعا تىيىم سالىنعان ورىنداردا تىيىم سالاتىن جانە ەسكەرتۋ بەلگىلەرى (6 836) ورناتىلادى. بيىل ەلىمىزدىڭ سۋ ايدىندارىندا 405 ادام (ونىڭ ىشىندە 134 بالا) قازا تاپتى، بۇل 2020 جىلمەن سالىستىرعاندا 5،1 %-عا تومەن. الايدا بالالار ءولىمىنىڭ ءوسۋى 20،7%-دى قۇرادى»، - دەدى يۋريي يلين.
ونىڭ ايتۋىنشا، بالالاردىڭ سۋداعى ءولىمى ەرەكشە الاڭداۋشىلىق تۋعىزىپ وتىر. ولاردىڭ ءولىمىنىڭ سەبەپتەرى - بالالاردى قاراۋسىز قالدىرۋ جانە جەتكىنشەكتەردىڭ بوس ۋاقىتىن ۇيىمداستىرۋدىڭ بولماۋى.
«سۋ ايدىندارىندا قازا تاپقانداردىڭ 97%-عا جۋىعى تجم قۇتقارۋ بولىمشەلەرى جوق جابدىقتالماعان ورىنداردا بولادى. تجم كۇشىمەن 337 ادام قۇتقارىلدى، ونىڭ ىشىندە 64ء-ى بالا. اسا ءقاۋىپتى ۋچاسكەلەردە 59 ماۋسىمدىق موبيلدىك قۇتقارۋ بەكەتى قويىلدى»، - دەدى مينيستر.