بيىل اقتوبە وبلىسىنىڭ پروكۋراتۋراسى مەملەكەت كىرىسىنە 1 ملرد تەڭگەدەن اسا قاراجات ءوندىردى، - دەپ حابارلايدى aqshamnews.kz ءتىلشىسى.
قاراجات مەملەكەتتىك كەلىسىمشارتتار بويىنشا كەپىلدىك مىندەتتەمەلەردى ورىنداۋ، مەملەكەتتىك ساتىپ الۋ شارتتارى بويىنشا قامتاماسىز ەتۋ جانە تۇراقسىزدىق ايىبى، سونداي-اق سالىق بەرەشەگىن وتەۋ ەسەبىنەن قايتارىلدى.
مىسالى، وبلىستىق قۇرىلىس باسقارماسى مەن "MIR-A Construction" ج ش س اراسىندا بايعانين اۋدانىنىڭ ماتاي اۋىلىندا مودۋلدىك ۇلگىدەگى عيماراتتاردان تۇراتىن وقۋ-جاتتىعۋ بازاسىن سالۋ تۋرالى كەلىسىمشارت جاسالعان.
شارتتى ورىنداۋ اياسىندا مەردىگەرگە 288 ملن تەڭگە كولەمىندە اۆانستىق تولەم اۋدارىلعان.
كەيىن شارت ءبىرجاقتى تارتىپپەن بۇزىلعانىمەن، اۆانس سوماسى ءبىر جىلدان استام ۋاقىت بويى قايتارىلماعان.
پروكۋرورلىق قاداعالاۋ شارالارىنىڭ ناتيجەسىندە كورسەتىلگەن قاراجات ءوندىرىلىپ، مەملەكەت كىرىسىنە قايتارىلدى.
بۇل باعىتتاعى جۇمىس جالعاسۋدا جانە پروكۋراتۋرا ورگاندارىنىڭ تۇراقتى باقىلاۋىندا.