اقتوبە گارنيزونىنىڭ اسكەري سوتى اسا ءىرى كولەمدە بيۋدجەت قاراجاتىن جىمقىرعان اسكەري قىزمەتشىگە قاتىستى ۇكىم شىعاردى.
انىقتالعانداي، سوتتالۋشى قارجى قىزمەتى ءبولىمىنىڭ باستىعى قىزمەتىن اتقارعان، دەپ حابارلايدى Almaty-akshamy.kz.
«ول باسقارمانىڭ ءبىرىنشى باسشىسىنىڭ ەسق كىلتىن اۋىستىرىپ قولدانۋ ارقىلى، ءوزىنىڭ بانكتىك ەسەپشوتىنا بيۋدجەت قاراجاتىنان بىرنەشە رەت زاڭسىز اقشالاي اۋدارىمدار جاساعان. زاڭسىز الىنعان بيۋدجەت قاراجاتىن سپورتتىق باستەرگە تىككەن. ناتيجەسىندە، مەملەكەتكە 23 ميلليون تەڭگەدەن استام شىعىن كەلتىرگەن»، دەدى اسكەري سوت.
ءبىرىنشى ساتىلى سوتتىڭ ۇكىمىمەن اسكەري قىزمەتشى اسكەري اتاعىنان ايىرىپ، وعان 6 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى. سونىمەن قاتار مەملەكەت كىرىسىنە پروسەسسۋالدىق شىعىندار مەن جابىرلەنۋشىلەردىڭ وتەماقى قورىنا ءماجبۇرلى تولەم وندىرىلگەن.
سوتتالۋشى كىناسىن تولىعىمەن مويىنداپ، كەلتىرىلگەن زالالدى تولىعىمەن وتەدى. سوت ۇكىمى زاڭدى كۇشىنە ەندى.