2024 جىلدىڭ 12-14 ناۋرىزىندا الماتىدا جاڭبىر تۇرىندە جاۋىن-شاشىن جاۋىپ، ارتى ءسىلبى قارعا ۇلاسادى.
تۇنگى جانە تاڭعى ۋاقىتتا قالانىڭ تاۋ بوكتەرىندەگى اۋدانداردا كوكتايعاق بولۋى مۇمكىن، دەپ حابارلايدى Almaty-akshamy.kz.
سوندىقتان اۆتوكولىك جۇرگىزۋشىلەرىنەن تۇنگى جانە تاڭعى ۋاقىتتا قالانىڭ تاۋلى ايماعىندا قوزعالىس جىلدامدىعىن باسەڭدەتۋدى سۇرايمىز.
320 جۇمىسشى مەن 89 بىرلىك ارنايى تەحنيكا ارىق جەلىلەرىن، ارىق وتكەلدەرى مەن قوقىس توگىلگەن «ويىق جەرگە» تازالاۋ جۇمىسىن جۇرگىزۋدە. 12 ناۋرىزداعى جاعداي بويىنشا 560 توننا قوقىس، لاي مەن مۇز شىعارىلدى. كۇندىزگى ۋاقىتتا بارلىعى 465 بىرلىك ارنايى تەحنيكا مەن 1020 جۇمىسشى جول جيەگىندەگى تازارتۋ جۇمىسىن جۇرگىزۋدە.
سۋ باسۋدىڭ الدىن الۋ مەن پروبلەمالىق ۋچاسكەلەردەگى سۋدىڭ كەدەرگىسىز ءوتۋىن قامتاماسىز ەتۋ ءۇشىن جاۋىن-شاشىن كەزىندە موتوپومپا جانە شانس قۇرالدارىمەن جابدىقتالعان 52 ءموبيلدى جەدەل بريگادانىڭ كەزەكشىلىگى ۇيىمداستىرىلادى. 2 مىڭنان استام قۇمعا تولى قاپ دايىندالدى.
قالالىق ەكولوگيا جانە قورشاعان ورتا باسقارماسى مالىمدەگەندەي، قالانىڭ جەكەلەگەن بولىكتەرىندەگى سۋ باسۋدىڭ نەگىزگى فاكتورى ارىق جەلىسىنىڭ اينالىپ ءوتۋى، سۋ بۇرۋ كوللەكتورلارىمەن قوسىلماۋى، جاڭبىر مەن ەرىگەن سۋدىڭ تابيعي اعىپ كەتۋىنە كەدەرگى كەلتىرەتىن ەنىسكە قارسى ۋچاسكەلەردىڭ بولۋى.
2022 جىلى كوكتەمدە جۇرگىزىلگەن زەرتتەۋ جۇمىسىنىڭ ناتيجەسى بويىنشا الماتى قالاسىنىڭ اۋماعىندا ەڭ ءجيى سۋ باساتىن 102 ۋچاسكە انىقتالدى. سونىڭ ىشىندە ەڭ ءقاۋىپتى 56 جانە جوعارى ءقاۋىپتى 46 ۋچاسكە بار. 2022-2023 جىلدارى سۋ تاسقىنىن جويۋ ءۇشىن قولدانىستاعى 13 كوللەكتور (11،8 كم)، 3 كانال (9،4 كم) قالپىنا كەلتىرىلىپ، قوسىمشا 6 كوللەكتور (7،1 كم)، 6 كانال (6،6 كم) مەن 100 كم-دەن استام ارىق جەلىلەرىنىڭ قۇرىلىسى جۇرگىزىلدى. كىرەبەرىستەر قايتا قۇرىلىپ، پەرسپەكتيۆالىق سۋ بۇرۋ جەلىلەرىنە قوسىلدى. سونداي-اق 3 وزەن ارناسىنىڭ جاعالاۋىن نىعايتۋ بويىنشا جۇمىستار جۇرگىزىلدى (ويجايلاۋ وزەنى، بورالداي وزەنىنىڭ سول شەتى، قاراسۋ وزەنى).
بۇگىندە 417 كوشەدە (100 كم قۇرىلىس پەن 276 كم قايتا قۇرۋ) جالپى ۇزىندىعى 376 كم ارىق جەلىلەرىن سالۋ مەن رەكونسترۋكسيالاۋ بويىنشا 3 جوبا (باتىس، ورتالىق، شىعىس باعىتتارىندا) اياسىندا قۇرىلىس-مونتاجداۋ جۇمىستارى جالعاسۋدا. جالپى ۇزىندىعى 103،5 كم بولاتىن 194 ۋچاسكەدەگى جۇمىستار اياقتالدى. 22 ۋچاسكەدە قۇرىلىس-مونتاجداۋ جۇمىسى جۇرگىزىلۋدە.
«2021-2023 جىلدارعا ارنالعان سۋ تاسقىنىنا قارسى ءىس-شارالار كەشەنى» جول كارتاسى اياسىندا الماتىدا جالپى ۇزىندىعى 21 كم-دەن اساتىن 4 وزەن ارناسىنىڭ جەكەلەگەن ۋچاسكەلەرى: كىشى الماتى، تىكساي، ەسەنتاي مەن جاربۇلاق قايتا جاڭعىرتىلدى. سەلدەن قورعاۋ بوگەتىنەن №1 تۇندىرعىشقا دەيىن ۇزىندىعى 5،5 كم بولاتىن ۇلكەن الماتى وزەنى ارناسىنىڭ ۋچاسكەسىن رەكونسترۋكسيالاۋ جۇمىسى 2024-2025 جىلعا جوسپارلانىپ وتىر. قازىرگى ۋاقىتتا بۇل جوبانىڭ جسق-سى دايىن. بۇدان بولەك بۇگىندە قونايەۆ اتىنداعى ۇاك، ساپوجنيكوۆ، ەسەنتاي، قارعالى وزەندەرى بويىنشا جسق ازىرلەنۋدە.
