بيۋدجەت قارجىسىن يگەرە الماعان اكىمدەر

ولار 40 ملرد تەڭگەنى يگەرە الماعان، دەپ حابارلايدى aqshamnews.kz

اكىمدىكتەر 40 ملرد تەڭگەگە جۋىق ماقساتتى ترانسفەرتتەردى يگەرە المادى. ونىڭ 93 پايىزدان استامى دامۋ باعدارلامالارىنا بەرىلگەن. 

2024 جىلى رەسپۋبليكالىق بيۋدجەتتەن 1،9 ترلن تەڭگە بولىنگەن، ونىڭ 276،4 ملرد-ى – قازىرگى باعدارلامالاردى، 1،5 ترلن-ى – دامۋ باعدارلاماسىن جۇزەگە اسىرۋعا ارنالعان. Finprom مالىمەتىنشە، اكىمدىكتەردىڭ ماقساتتى ترانسفەرتتەردى ورىنداۋ كولەمى 97،9%-دى قۇراعان، سوندا يگەرە الماۋ كورسەتكىشى – 2،1%. پايىزعا قاراساق، سونشالىقتى كوپ ەمەس سەكىلدى، ال سانعا شاقساق – 40 ملرد تەڭگە شىعادى. مۇنى ارينە، از دەپ ايتۋ قيىن.

قاراجاتتى مەيلىنشە تۇگەل جۇمساعان – استانا اكىمدىگى. 88،3 ملن تەڭگە ارتىلعان، تيىسىنشە ول بيۋجەتتى ۇنەمدەۋگە قاتىستى. 

شىعىس قازاقستان وبلىسى 99،9%-عا يگەرگەن. دىتتەگەن ماقساتىنا جەتپەگەن قارجى كولەمى – 69،8 ملن تەڭگە، ونىڭ 8،1 ملن-ى – ۇنەمدەۋ، 61،7 ملن-ى – يگەرىلمەۋ. 

قىزىلوردا وبلىسىنداعى ارتىلعان قاراجات كولەمى – 120،8 ملن تەڭگە، ونىڭ 36،6 ملن تەڭگەسى ۇنەمدەۋگە قاتىستى بولسا، 84،3 ملن تەڭگەسى يگەرىلمەي قالعان. 

ۇزدىك بەستىك قاتارىنا تۇركىستان وبلىسى مەن شىمكەنت كىرگەن. ولارداعى يگەرۋ ۇلەسى – 99،8%. 

سونىمەن قاي ءوڭىردىڭ اكىمى بولىنگەن قارجىنى يگەرە المادى:

ماڭعىستاۋ وبلىسى – بولىنگەن قارجىنىڭ 85،1%-ى يگەرىلگەن (16،9 ملرد تەڭگە جۇمسالماعان)؛ 

اتىراۋ وبلىسى – 94،2% (4،2 ملرد تەڭگە يگەرىلمەگەن)؛ 

اقمولا وبلىسى – 97،2% (3،5 ملرد تەڭگە يگەرىلمەگەن).