2022 جىلدىڭ قورىتىندىسى بويىنشا بىرنەشە مينيسترلىك مەملەكەتتىك بيۋدجەت قاراجاتىن ءتيىستى دەڭگەيدە يگەرمەگەن، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«مەملەكەتتىك بيۋدجەتتىڭ شىعىسى 98%-دى، رەسپۋبليكالىق بيۋدجەت شىعىستارى 98،6%-دى جانە جەرگىلىكتى بيۋدجەتتىڭ شىعىسى 96،4%-دى قۇرادى. رەسپۋبليكالىق بيۋدجەت بويىنشا 18،5 ترلن تەڭگە سوماسىنا شىعىستار جۇرگىزىلدى. وتكەن جىلى 263 ملرد تەڭگە اتقارىلماعان. ونىڭ ىشىندە 175 ملرد تەڭگە - ۇكىمەتتىڭ بولىنبەگەن رەزەرۆى، 7 ملرد تەڭگە ۇنەمدەلگەن. بۇل شىعىستار بيۋدجەت كودەكسىنە سايكەس يگەرىلمەگەن قاراجات بولىپ ەسەپتەلمەيدى. سول سەبەپتى، شىعىستاردى تازا يگەرۋ 99،6% قۇرايدى دەپ ايتۋعا نەگىز بار»، - دەدى پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆ ۇكىمەت وتىرىسىندا.
سونداي-اق، پرەمەر-مينيستردىڭ ورىنباسارى بيۋدجەت قارجىسىن دۇرىس يگەرمەگەن مينيسترلىكتەردى اتاپ ءوتتى.
«بيۋدجەتتى ناشار يگەرۋ بويىنشا، ياعني 99%-تەن تومەن كورسەتكىش ساۋدا جانە ينتەگراسيا، سيفرلىق دامۋ، يننوۆاسيالار جانە اەروعارىش ونەركاسىبى، توتەنشە جاعدايلار، مادەنيەت جانە سپورت مينيسترلىكتەرىنە تيەسىلى. يگەرىلمەۋدىڭ نەگىزگى سەبەپتەرى - ءونىم بەرۋشىلەردىڭ شارت تالاپتارىن بۇزۋى، جوبالاۋ-سمەتالىق قۇجاتتامالارعا مەملەكەتتىك ساراپتامانى ۇزاق وتكىزۋ نەمەسە وعان وڭ قورىتىندىنىڭ بولماۋى، ورىندالعان جۇمىستار اكتىلەرىن، شوت-فاكتۋرالاردى ۋاقتىلى ۇسىنباۋ»، - دەيدى ول.