2025 جىلدىڭ 20 قاڭتارىندا بيتكوين قۇنى 109 114 دوللاردى قۇرادى، دەپ حابارلايدى Aqshamnews.kz
دونالد ترامپتىڭ يناۋگۋراسياسىنا دەيىن بيتكويننىڭ باعاسى 3،63%-عا ءوسىپ، 109 مىڭ دوللاردان اسىپ، 2024 جىلدىڭ 17 جەلتوقسانىنداعى ەڭ جوعارى كورسەتكىشتى جاڭارتتى. الايدا ءبىراز ۋاقىتتان كەيىن كريپتوۆاليۋتانىڭ قۇنى تومەندەپ، شامامەن 108 مىڭ دوللار دەڭگەيىندە تۇراقتادى.
بيتكويننىڭ قارقىندى ءوسۋى 2024 جىلدىڭ 5 قاراشاسىندا، اقش-تاعى پرەزيدەنتتىك سايلاۋ كۇنى باستالدى. ول كەزدە كريپتوۆاليۋتا باعاسى 75 مىڭ دوللار بولعان. بىرنەشە اپتا ىشىندە بيتكوين 100 مىڭ دوللار مەجەسىنەن ءوتىپ، ينۆەستورلار اراسىندا ۇلكەن قىزىعۋشىلىق تۋدىردى. سودان بەرى بيتكوين باعاسىنىڭ ءوسۋى جالعاسۋدا.
ساراپشىلاردىڭ ايتۋىنشا، بيتكوين باعاسىنىڭ وسۋىنە جاھاندىق ساياسي جانە ەكونوميكالىق فاكتورلار، سونىمەن قاتار كريپتوۆاليۋتاعا دەگەن سۇرانىستىڭ ارتۋى اسەر ەتكەن.