بيشىمبايەۆتىڭ ىسىنە قاتىستى سوت وتىرىسى بۇگىن-ەرتەڭ بىتە قويماس...

استانادا قۋاندىق بيشىمبايەۆتىڭ سوتى جالعاسۋدا.

سۋديا ايجان قۇلبايەۆا القابيلەردىڭ ۆيدەوسىن تاراتقان كتك ارناسىنا ەسكەرتۋ جاسالعانىن ايتتى. سوت قايتادان پروسەسكە جۋرناليستەردىڭ قاتىسۋىن قولايلى دەپ تاپتى، دەپ حابارلايدى Almaty-akshamy.kz Orda.kz-كە سىلتەمە جاساپ. 

«ءبىزدىڭ سوت تالقىلاۋى اشىق سوت تارتىبىندە ءوتىپ جاتقانىن ەسكەرە وتىرىپ، قىلمىستىق ءىس جۇرگىزۋ كودەكسىنىڭ 29-بابىندا بەكىتىلگەن ءىس جۇرگىزۋدىڭ جاريالىلىعى قاعيداتىن قامتاماسىز ەتۋ جانە ءادىل سوت تالقىلاۋى ماقساتىندا سوت وكىلدەرىنىڭ قاتىسۋىنا رۇقسات بەرۋ قاجەت دەپ سانايدى. ب ا ق وكىلدەرىن سوت زالىنا كىرگىزىلدى»،- دەپ ءتۇسىندىردى سۋديا ايجان قۇلبايەۆا.

ول القابيلەردىڭ سۋرەتى مەن ۆيدەوسىن تۇسىرگەنى ءۇشىن اكىمشىلىك جاۋاپكەرشىلىككە تارتىلعان كتك جۋرناليستەرى دە سوت زالىنا جىبەرىلەتىنىن ايتتى.

سوتتالۋشى بيشىمبايەۆتىڭ ادۆوكاتتارىنان باسقا پروسەسكە قاتىسۋشىلاردىڭ بارلىعى بۇعان قارسى ەمەستىگىن مالىمدەدى. قورعاۋشى تاراپ سوت وتىرىسىندا بەينەجازبا كورسەتىلىپ جاتقانىنا بايلانىستى قارسىلىق ءبىلدىردى.

جيىن باسىندا اۋدارماشىنىڭ اۋىسقانى دا بەلگىلى بولدى.

Cوعان قاراعاندا، بيشىمبايەۆ ءىسى ءالى ءبىرازعا دەيىن سوزىلاتىن سىڭايلى...