مەگاپوليستە «الماتى – ءبىزدىڭ ورتاق ءۇيىمىز» ناۋقانىنىڭ ءۇشىنشى اپتاسى باستالدى. سونىڭ اياسىندا «تازا قاسبەتتەر» اكسياسى جاريالاندى.
اكسيا 22-28 ءساۋىر ارالىعىندا وتەدى. مۇندا كوممۋنالدىق مەنشىكتەگى اكىمشىلىك عيماراتتار (مەملەكەتتىك وبەكتىلەر)، بيزنەس-قۇرىلىمداردىڭ قۇرىلىستارى مەن جەكە تۇرعىن ۇيلەر (پيك، ميب) قامتىلادى. اكسيا اياسىندا عيماراتتاردىڭ قاسبەتىن تازالاۋ، شىنى تەرەزەلەردى/ۆيترينالاردى جۋۋ، بەت جاعى تەمىردەن جاسالعان جەكەلەگەن ەلەمەنتتەردى (باسپالداقتار، باليۋسترادا، تەرەزە تورلارى، تۇتقالار جانە ت.ب.) سىرلاۋ، ماڭدايشالار مەن بيلبوردتاردى رەتكە كەلتىرۋ، رۇقسات ەتىلمەگەن گراففيتيدەن، جازۋلاردان تازارتۋ.
بۇدان باسقا وبەكتىلەردىڭ مەنشىك يەلەرىمەن اباتتاندىرۋ قاعيدالارىنىڭ تالاپتارىن ساقتاۋ قاجەتتىلىگى جانە ولاردى بۇزعانى ءۇشىن 20-دان 100 اەك مولشەرىندە كوزدەلگەن اكىمشىلىك جاۋاپكەرشىلىك تۋرالى ءتۇسىندىرۋ اڭگىمەلەرى جۇرگىزىلەتىن بولادى.
انىقتاما ءۇشىن: اباتتاندىرۋ قاعيدالارىنىڭ 148-تارماعىنا سايكەس «قاراماعىندا عيماراتتار مەن قۇرىلىستار بار كاسىپورىندار مەن ۇيىمداردىڭ باسشىلارى، عيماراتتار مەن قۇرىلىستاردىڭ مەنشىك يەلەرى اتالعان وبەكتىلەردىڭ قاسبەتتەرىن جانە ولاردىڭ جەكەلەگەن ەلەمەنتتەرىن (بالكوندار، لودجيالار، سۋاعار قۇبىرلارى جانە باسقالارى) قالپىنا كەلتىرۋ، جوندەۋ جانە سىرلاۋ بويىنشا جۇمىستاردىڭ ۋاقتىلى جۇرگىزىلۋىن قامتاماسىز ەتۋى، سونداي-اق ولاردىڭ تازالىعى مەن جارامدى جاي-كۇيىن ساقتاۋى قاجەت قاسبەتتەردە ورنالاسقان اقپاراتتىق تاقتايشالار، ەسكەرتكىش تاقتالار».
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانىنىڭ وتەتىنى جاريالاندى. قالانى اباتتاندىرۋ مەن تازالاۋعا كەز كەلگەن ادام قاتىسا الادى. ناۋقاننىڭ ءۇشىنشى اپتاسىندا 22-28 ءساۋىر ارالىعىندا تاۋ، وزەندەر مەن سۋ ايدىندارىنىڭ جاعالاۋلارىن، سونداي-اق قالانىڭ ساياباقتارى مەن الاڭدارىن قوقىستان جاپپاي تازارتىپ، اعاش وتىرعىزىلادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:#الماتىناشوبششييدوم،#ناسمنوگوگورودودين،#ءالماتىبىزدىڭورتاقۇيىمىز،#بىزكوپپىزقالاجالعىز.