جەكە كاسىپكەر رەتىندە تىركەلگەن جاعدايدا ءتيىستى سالىق رەجيمىن تاڭداۋ قاجەت.
ءبىرىڭعاي جيىنتىق تولەمنىڭ قولدانۋ مەرزىمى اياقتالدى، دەپ حابارلايدى Almaty-akshamy.kz مەملەكەتتىك كىرىستەر كوميتەتىنە سىلتەمە جاساپ.
ەستەرىڭىزگە سالا كەتەيىك، ءبىرىڭعاي جيىنتىق تولەم باستاپقىدا دارا كاسىپكەر رەتىندە تىركەلمەگەن ءوزىن-وزى جۇمىسپەن قامتىعان ازاماتتار ءۇشىن، ەگەر ولار تەك جەكە تۇلعالارعا قىزمەت كورسەتسە جانە ولاردىڭ كىرىسىنىڭ سوماسى جىلىنا 4 ميلليون تەڭگەدەن اسپاسا، 5 جىلعا (2019 جىلدان 2023 جىلعا دەيىن) ۋاقىتشا ەنگىزىلدى.
"ءقازىر، بەلگىلى بولعانداي، جەكە تۇلعالاردىڭ كىرىستەرىن دەكلاراسيالاۋدى كەزەڭ-كەزەڭىمەن ەنگىزۋى ءجۇرىپ جاتىر، وندا كىرىستىڭ مولشەرىن كورسەتۋ قاجەت. بۇرىن كاسىپكەرلىك قىزمەتتى تىركەمەگەن ازاماتتار كاسىپكەر بولۋدى نەمەسە جالدامالى قىزمەتكەر بولۋدى تاڭداۋى كەرەك. جەكە كاسىپكەر رەتىندە تىركەلگەن جاعدايدا ءتيىستى سالىق رەجيمىن تاڭداۋ قاجەت. جەكە قىزمەتتەردى كورسەتۋ كەزىندە ەڭ ءتيىمدىسى – ارناۋلى ءموبيلدى قوسىمشانى پايدالاناتىن سالىق رەجيمى بولىپ تابىلادى، ول چەك بەرۋگە مۇمكىندىك بەرەدى، ءسىز ءۇشىن سالىقتار مەن تولەمدەردى ەسەپتەيدى، بۇل رەتتە دەكلاراسيا ۇسىنىلمايدى"، - دەلىنگەن ۆەدومستۆو حابارلاماسىندا.
ءمالىم بولعانداي، بيۋدجەتكە تولەمى الىنعان كىرىستەن 1 پايىزدى قۇرايدى، بۇل جەكە تابىس سالىعىنىڭ مولشەرلەمەسى. جەڭىلدىكتى ساناتتارعا جاتپايتىن كاسىپكەردىڭ الەۋمەتتىك تولەمدەرىنىڭ ەڭ تومەنگى سوماسى 14 350 تەڭگەنى قۇرايدى.
بۇل كاسىپكەردىڭ پايداسىنا تۇسەتىن تولەمدەر (زەينەتاقى جارنالارى – 7000 تەڭگە، الەۋمەتتىك اۋدارىمدار – 3450 تەڭگە، مەديسينالىق ساقتاندىرۋ جارنالارى – 4900 تەڭگە).