2022 جىلى جەتى مىڭداي ادام زەينەتاقى جيناقتارىن الدى
بجزق زەينەتاقى تاعايىنداۋعا ۋاقىتىندا ءوتىنىش بەرۋدى ۇسىندى، دەپ حابارلايدى Almaty-akshamy.kz
"زەينەتكەرلىك زاڭناماعا سايكەس زەينەتكەرلىك جاسقا تولعان ادامدار بەلگىلەنگەن كەستە بويىنشا مىندەتتى جانە مىندەتتى كاسىپتىك زەينەتاقى جارنالارى ەسەبىنەن بجزق-دان زەينەتاقى تولەمدەرىن الۋعا قۇقىلى: ەرلەر – 63 جاسقا تولعاندا، ايەلدەر – 61 جاستا (2028 جىلعا دەيىن)، سونداي-اق ءبىرىنشى نەمەسە ەكىنشى توپتاعى مۇگەدەكتەر مەرزىمسىز بەلگىلەنەدى"، – دەلىنگەن حابارلامادا.
2022 جىلى زەينەت جاسىنا جەتكەن، بجزق-دا زەينەاقى جيناقتارى بار، ءبىراق ونى الۋعا ۋاقىتىل ءوتىنىش بەرمەگەن جەتى مىڭداي ادام زەينەتاقى جيناقتارىن الدى. ونىڭ 4،5 مىڭى ايەلدەر، 2،5 مىڭى ەر ازامات.
بۇعان دەيىن قازاقستاندىقتاردىڭ زەينەتاقى جيناقتارى ءوسىپ جاتقانى بەلگىلى بولعان. 1 ناۋرىزداعى جاعداي بويىنشا، ءبىرىڭعاي جيناقتاۋشى زەينەتاقى قورى سالىمشىلارىنىڭ (الۋشىلاردىڭ) جەكە شوتتارىندا 15،13 ترلن تەڭگە كولەمىندە زەينەتاقى جيناقتارى بولدى.