قازاقستان پرەزيدەنتىنىڭ اتىنا جاڭا جىل مەرەكەسىنە وراي شەت مەملەكەتتەر مەن حالىقارالىق ۇيىمداردىڭ باسشىلارىنان قۇتتىقتاۋلار كەلىپ ءتۇسىپ جاتىر. قازاقپارات بۇل تۋرالى Almaty-akshamy.kz Inform.kz-سىلتەمە جاساپ حابارلايدى.
مەملەكەت باسشىسى قاسىم-جومارت توقايەۆتى رەسەي پرەزيدەنتى ۆلاديمير پۋتين، جۇڭگو حالىق رەسپۋبليكاسىنىڭ ءتوراعاسى سي سزينپين، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، ءازىربايجان پرەزيدەنتى يلحام الييەۆ، ارمەنيا پرەزيدەنتى ۆااگن حاچاتۋريان، ارمەنيا پرەمەر-مينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، ريم پاپاسى فرانسيسك، ۆەتنام پرەزيدەنتى نگۋەن سۋان فۋك، گەرمانيا پرەزيدەنتى فرانك-ۆالتەر شتاينمايەر، يتاليا پرەزيدەنتى سەردجو ماتارەللا، موڭعوليا پرەزيدەنتى ۋحنااگيين حۋرەلسۋح، كورەيا پرەزيدەنتى يۋن سوك ءول، ءۇندىستان پرەمەر-مينيسترى نارەندرا مودي، جاپونيا پرەمەر-مينيسترى فۋميو كيشيدا، جاڭا زەلانديانىڭ گەنەرال-گۋبەرناتورى سيندي كيرو، سونىمەن قاتار بۇرىنعى مەملەكەت جانە ۇكىمەت باسشىلارى، شەت مەملەكەتتەردىڭ كورنەكتى مەملەكەت قايراتكەرلەرى، شەتەلدىك ءىرى كومپانيالاردىڭ، بانكتەردىڭ، قارجى ينستيتۋتتارىنىڭ، ديپلوماتيالىق ميسسيالاردىڭ باسشىلارى مەن باسقا دا رەسمي تۇلعالار قۇتتىقتادى.
«قۇتتىقتاۋ جەدەلحاتتارىندا قازاقستاننىڭ شەت مەملەكەتتەرمەن ەكىجاقتى جانە كوپجاقتى ىنتىماقتاستىعىن نىعايتۋدىڭ ماڭىزدى اسپەكتىلەرى، باسىمدىقتارى اتاپ وتىلگەن. سونداي-اق قاسىم-جومارت توقايەۆ پەن قازاقستان حالقىنا جۇرەكجاردى تىلەكتەر ايتىلعان. قۇتتىقتاۋلار ءالى دە كەلىپ جاتىر»، - دەلىنگەن اقوردا حابارلاماسىندا.