اقش-تىڭ قازاقستانداعى توتەنشە جانە وكىلەتتى ەلشىسى دەنيەل روزەنبليۋم جاڭا جىل مەرەكەسىنە وراي قازاق تىلىندە بەينەقۇتتىقتاۋ جولدادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قۇرمەتتى دوستار، قازاقستاندا العاش رەت جاڭا جىلدى سىزدەرمەن بىرگە قارسى الىپ جاتقانىما قۋانىشتىمىن. بۇل جىل بارلىعىمىز ءۇشىن وڭاي بولعان جوق. ءبىراق كەلەر جىلعا سەنىمىمىز زور. كەلەر جىل ويىڭىزداعىداي قۋانىشتى ساتتەرگە تولى بولسىن. اقش وكىلدىگىنىڭ اتىنان بارشاڭىزعا جاڭا جىلدا دەنساۋلىق، مولشىلىق، بەيبىت ءومىر تىلەيمىن»، - دەپ قازاق تىلىندە قۇتتىقتاۋ ءسوزىن جەتكىزدى ەلشى.